A mawngtam a khawkherh thutkehin record siam

India pachak kan ti dawn nge, mawng sek kan ti zawk dawn, Dharmendra Rajbhar chuan India’s Got Talent show-ah second 30 chungin khawkherh pum 110 a mawngtamin a thut keh hman a, Guinness World Record a siam. Second 30 chhunga khawkherh thut keh hnem thei ber a ni!
Dharmendra hian chhuatah khawkherh pum hi a rem tlar thap mai a, chu chu a hmatiamin a thut keh ta miah miah mai a, second 30 ral hmain pum 110 hi a thutkeh vek hman a, khawkherh la awm se chu second 30 chhungin hei aia tam pawh hi a thutkeh thei dawn a nih hmel khawp mai.
Dharmendra hian a mawngtamah khawkherh thutkehna turin thildang engmah dah belh a nei lo a, a skintight hak a ni deuh mai. Chak leh mawng sek mai bakah chetran pawh a ngai hle dawn a ni.