IGNOU-in zirchhuakte thlah

IGNOU-in zirchhuakte thlah
Indira Gandhi National Open University (IGNOU) chuan April 7 khan India ram hmun hrang hranga IGNOU Regional Centre thlan bik 39-ah zirlai pass tharte hnenah certificate hlanin, Convocation vawi 39-na an hmang a. IGNOU Regional Centre Aizawl atang pawhin degree nei thar 1200 an awm.
IGNOU Convocation hi New Delhi-a IGNOU hmunpuiah India Vice President CP Radhakrishnan hoin hman a ni a. IGNOU Regional Centre Aizawl-ah hian NIT Mizoram director Prof. Dr S Sundar hoin zirlai leh zirtirtuten inbiak hmuh theihna hmangin an lo zawm a ni.
Convocation vawi 39-naah hian IGNOU Regional Centre Aizawla zirlai 1200-in degree an nei thar a; master degree 501, bachelor degree 624, post graduate diploma 2, diploma 12 leh certificate programme learner 49 an ni.