Khawvela hotel lian ber First World Hotel

Kuala Lumpur hmarlam km 50 vela hla Genting Highlands-ah chuan hotel lian zet mai a ding luah mai a, First World Hotel a ni a, building lian tak pahnih leh a zawmpui peng neuh neuh te nen room 7,351 a awm a, Guinness World Records-in 2015 khan kawvela hotel lian berah a puang a, vawiin thlengin he record hi a la ding ta zel a ni.
First World Hotel hi 2000 kum hmasa lam atang khan an sa tan a, 2006 khan room 6000 neiin an hawng a, khawvela hotel lian ber a ni nghala, mahse, 2008 khan Las Vegas lamin an rawn khum zuai a, mahse, he Malaysian hotel hi room 1,233 tih belhin, 2015 atangin khawvela hotel lian ber record siamtu a rawn ni leh ta a ni.
A room pawh hi a têchhe lo hlawm khawp mai a, standard leh deluxe te cu 180 square feet te an ni a, room lian lehzual, superior deluxe leh World Club room te chu 320 – 430 sq feet a lian te an ni bawk.
He hotel-ah hian restaurant, art gallery, penthouse, terrace, skybridge, sopping mall, arcade games, bumper cars, snow world, food courts, video game park, cinema hall leh casino thlengin a awm nghal vek bawk.