ZPM hi thalaiten rintlak leh innghahna tlakah min ngai – B Lalchhanzova

On Apr 18, 2026 33 0

ZPM hi thalaiten rintlak leh
innghahna tlakah min ngai
– B Lalchhanzova
Thalaiten a sawia sawi ringawt lam an ning tawh a, ZPM party chu rintlak leh innghahna tlakah an ngai mek tih ZPM hruaitu B Lalchhanzova chuan a sawi.
ZPM Thalai Hqrs huaihawta AMC inthlan atana street campaign-ah thu sawiin ZPM adviser B Lalchhanzova chuan, duhsaktu nei lo tihsaktu nei lo, tihpuitu neilo te an khawngaihthlak rei lutuk tawh a, chu’ng zawng zawng chu ZPM-in AMC an enkawlnaah an siamtha ngam dawn a, an tidam dawn tih a sawi.
“ZPM hi thalaiten rintlak leh innghahna tlakah min ngai mek a, kan thalaite hian political propaganda, a sawia sawi ringawt lam hi an ning tawh. Huaisen taka thil ti ngam mai, a tul chuan mahni pawhin tuar ngam, chutiang politician chu kan thalaite hian an duh tawh,” a ti.
Land Revenue & Settlement minister B Lalchhanzova hian, ZPM sawrkar hnuah ram buai tam tak chinfel sak ngai, harsa tak tak, sawipuitu neilote an ram chinfel sak an ni tawh tih a sawi a. Kum tam tak ram chinfel theih loh vanga rum thinte ram, party thlei bik neiloin an chinfel sak a, mangang lungngaiten ZPM sawrkar hnuaiah thlamuanna an hmu tih a sawi a ni.