Thla 4 a pumhlum hma in zu litre 25000 chuang man tawh

Thla 4 a pumhlum hma in zu
litre 25000 chuang man tawh
Kum 2026-ah thla li a pumhlum hma in Excise department chuan The Mizoram Liquor (Prohibition) Amendment Act 2025 hnuaiah rakzu leh a senchi litre 25000 chuang bakah zu bilh lai tin 47000 chuang an man tawh.
Kumin chhung hian Excise & Narcotics Department hian rakzu litre 20426.214, zu bilh lai tin 47388 bakah India siam a senchi (IMFL) litre 5765.380, ramdang siam a senchi litre 20.700, Burma tualzu (BEDC) litre 200.400 leh beer litre 12990.610 an man a. Zu siamna bungbel 1147 leh dawidim kg. 38.700 an man bawk.
Hemi chhung vek hian heroin kg 7.865, ganja kg. 91.298, methamphetamine kg. 51.386, ruihna atana hman khuh damdawi bur 1176 leh ruihna atana damdawi mum engemawzat an man a ni.
Excise & Narcotics Department hian commissioner of Excise & Narcotics Z Lalhmangaiha kaihhruaiin Ningani khan Quarterly Crime Review Meeting an nei a. District 11 atanga department hotu theuh bakah senior officer ho an tel.
Hmanpuitu Excise & Narcotics secretary C Lalruaia chuan, END officer-te chu anmahni mamawhtute tana hna thawk theia awm a pawimawh, tiin, “Kan awmna tur hmuna kan awm chuan kan theihna pawh tihpunin a awm ang,” a ti.
END commissioner ho hian zu leh ruihhlo khuahkhirhnaa hmalak dan thlirin khauh zawka dan kenkawh dan tur an sawiho a ni.