Ruihhlo hi pa deuhin do ang u – CYMA president

Ruihhlo hi pa deuhin do ang u
– CYMA president
Ruihhlo chu tuai aw rut loin, pa deuha do a ngai tih Central YMA president R Lalngheta chuan a sawi.
Nilaini zana Sub-Hqrs YMA Kolasib Inkhawmpui vawi 8-na kharna a hmanpuinaah Central YMA president chuan, YMA-in Pathian hruaina leh venna an dawng nasa a, hma a hruaisak zel a ring tih a sawi. Ruihhlo donaah pawh hmahruaitu ah Pathian an dah tlat chuan an do hneh ngei a ring tih sawiin, “Ruihhlo ngaite hi ruihhlo ngai tura piang an ni bik loa, kawng lakah suamhmang an tawk hlauh a ni. Hengho hi diriam mai loa, chhanchhuah an ngai,” a ti.
Kumpuan bawhzui kawngah Kumpuan Committee din a, anni hmalaknaa dah mai loin, kohhran leh pawl hrang hrang nen YMA member-te tha thlah loa tangho tur leh, a la ti lo te venhim hna thawk tlang tura chahin, “Ruihhlo hi tuai aw deuha do loin, pa deuhin do ang u,” a ti.