Mizo AI changtlung zawk duang

Mizo AI changtlung zawk duang
Mizo tawng bik atana duan Mizo AI (artificial intelligence) hmasa ber, “Hriatna Mizo Chatbot” MizoMade siam chu peihfel hnaih a ni.
Enchhin a nih hnu ah India ram huapah pawh hetiang model hi a hmasa pawl a ni tih sawi a ni a. He model hian tunah Google, Facebook leh model dang – Gemini leh Meta ten an tih theih loh, Mizo tawnga biak theih a nei a, kumin May 18 atangin a hman theih dawn a ni.
He application hian, model lo awm tawhten an tih theih loh leh an phak loh a ti thei tura beisei a ni tih sawi a ni a. Text based chauh lo, audio based interaction pawh a theih dawn a ni. Mizo mipuiin an tangkapui zawk theihnan tihchangtlun zel tum a ni.
Hriatna Mizo Chatbox hi iOS app store (iPhone) leh Google play store-ah download theih a ni a . Version 1.0 hi kum 2023 khan tlangzarh a ni tawh a, tunah hian sawrkar laipui ruahman – Bashini initiatives ni pahfawmin tih changtlun mek zel a ni. Mizomade Team hian stage 3 an paltlang tawh tih thu dawn a ni
He application hi Mizote tana siam a nih angin, Mizorama cheng Mizo expert team siam a ni a. Mizo tawngah hnamdangin an hriatthiam loh tam tak a awm thin avangin, expert-te hian Mizo tawng zirchiang lehzualin ‘Mizo AI’ hi an siam a ni.
Mizo AI application siamna atan hian Mizo linguist-ten a lam dan leh grammar thlengin an khawihpui tih an sawi a. Hetianga tawng zirchianna tha tak tel lo chuan application hian Mizo tawng thluk leh thu mal hi lehlin dik a har a, hemi sutkianna atan hian hun rei tak atanga Mizo tawng lo zirchik tawhte nena siamho a ni a ni tih an sawi bawk.