Consumer Right i tâ Consumer-te ti ti
Lallunghnema
Charity Lodge
Cont: 9862288182
Consumer Huang chhiartute chibai ka bûk a che u.
Vawiin (25.May. 2026) hian kan thenawm tlangval pakhat hi kan inah a lo lêng lût ve nawlh mai a. Ni danga lo chuang kai ngai hlei lo kha, duh tha tê a nei a nih ka ring nghal mai a. Hetiang hian kan inbe zui nghal a.
Keimah : E khai, eng nge ni ta, i lo lên teh mial le? thu rawh. Tunlai chu inleng neih ka duh vak lova, a chhan chu heti mai hi kan ni a. In kan sak avangin choka hran awm lo, sitting room awm lo, bed room hran awm hek lo. bathroom zim têah kan invawm tang mai mai a ni a. Mahse, i lo lût lak lawh tawh si a. Engnge ni ta?
Ka inleng tlangval: Kan venga dawr lian tak pakhatah sâwn Pressure Pump 1 ka lei a. A chhiat leh thuai avangin ‘thleng’ ka va dil a, an lo sawi nawi vel a, ‘thleng’min rem tihsak loh avangin i hnênah ka lo zualko ve ngawt mai a ni.
Keimah: A ni maw ‘thleng leh,’ theih âwm tak chu a ni alawm! Dawrkai sumdawng thenkhat hi chu an sual riau mai. Warranty period a awm phei chuan return emaw refund emaw awm tur a nia. Cash memo i la em? an contact number i nei em?
Ka inleng tlangval : La e, cash memo ka lâk bâkah an khawl Pressure Pump thlalak pawh ka nei alawm. An thil ka va lei hnu hian dawr danga mi ka va lei tawh a, a hnu lawkah a chhiat avangin ka va thleng(return) leh thei mai a. Mahse, anni hi chuan company chhuanlamin min tihsak duh tlat lova. I hnênah ka rawn sawi a ni.
Keimah : Eng pawh ni se, i complaint hi ka lo record ve phawt ang a, lo biak ve ka tum ang e. Mahse, tlan chhiat loh tur a nia. Consumer Protection Act 2019. Section 39- ah hian thil lei thleng chungchang a District Consumer Disputes Redressal Commission thuneihna tarlan a ni. He Act -ah hian chiang takin tarlan a ni a. Nang anga harsatna tawk hi sang tam tak an awm reng a ni.
Hetiang vêl hi a nia, miin bungrua hman theih loh a chhia an lei hi hlohna a ni a, a hralhtu tan eirukna a ni thung. Consumer-te tuarna a ni a, sumdawng tan eirukna mi chan ai ruk sakna a nia. Hetianga thil leisaktute tihbuai hi tute tan mah malsawmna an ni thei ngai lo, tih hria apiang mi fing an ni.
Consumer Right-te chu :
Consumer Protection Act 2019 Sec. 2(9)-ah hian sawi a ni a. Chungte chu Sâp tawnga tarlan a nih ang hian kan ziak ve khang lang teh ang. Inti Sap tawng thiam tak tak kan tam bawk a.
(1) The Right to be informed about the Quality, Quantity, Potency, Purity, Standards and Price of Goods, Products or Services as the case may be, so as to protect the consumer against unfair trade practices.
(2) The Right to protected against the marketing of goods, products or service, which are hazardous to life and property.(The Right to Safety an ti bawk)
(3) The Right to be assured, wherever possible, access to a variety of goods products or services at a competitute prices. (The Rigjt to choose tih a ni bawk)
(4) The Right to seek redressal against unfair trade practices or restrictive trade practices or unscrupulous exploitation of consumer.
(5) The Right to Consumer Awareness.
(6) The Right to be heard and to be assured that consumer’s interests will receive due, consideration at appropriate fora.
Heng ka han sawite hi Dan Rangkachak an ni a. Tun tumah hian Sap tawnga a inziah ang ang hian ka han pho chhuak a ni.
Consumer-te hi vên ngai kan ni a, humhalh mamawh kan ni. Ni tin kan dikna leh kan chanvo chhuhsak kan ni a. Pawisa kan hloh reng a, dik lo taka neih chhuhsak kan ni thin.
Tuna consumer kan kan nih anga CPA 2019-in Right 6 min pek te hi kan tangkaipui thei a. Kan hmang tangkai ngei tur a ni bawk. Hman tangkaipui loh Right chu a zahawm lova, a hlu hek lo! Hman tangkai erawh kan bat a ni.
Chuvangin intihuaisen ila, intipachangin kan tal na hle tur a ni ringawt. Kan chenna khawvel hi kan tâ a ni tur a ni. Mâwl taka awm hman kan ni tawh lo.
Consumer Activist-ten engnge an sawi?
– Mipui hian Gas bûk tling lo hi buk tling angin kan la tam hle tawh ang. Thil dik lo hi tute do tur nge ni ang. Consumer-te tawrhna tibo a tireh tur hian TU NGE PEN CHHUAK ANG LE?