Thalaiten kan ram politics suk thlek kan ngaihtuah tawk lo – Assembly speaker

Thalai nawlpuiin kan ram politics sukthlek kan hriat loh chhan chu kan ngaihtuah tawk loh vang a ni tih Assembly speaker Lalbiakzama chuan a sawi.
Young Indians Mizoram buatsaih Young Indians Parliament 2026 chu Ningani khan neih a ni a, hmanpuitu Assembly speaker chuan, politics khawvelah India ramah kum naupangten hmun an chang tam lo hle a, kum 35 chin tan President a nih theih laiin President ni tawhte kum chawhrual chu kum 71.4 a ni a, kum 40 mi a niha Prime minister ni thei Rajiv Gandhi bak chu Prime minister naupang tak kan la nei lo tih a sawi.
Mizoramah pawh thalaite kan lang lo hle a, kan chief minister neih tawhte kum chawh rual chu kum 56 vel a ni tih sawiin, “Ram dang ang bawkin Mizoramah thalaite an tam zawk hle a, nimahse politics ngaihven lo anga sawi kan ni fo thin. Chutiang tur ting chuan politics hi kan ralthlir thin reng em tih pawh ngaihtuah theih tak a ni a, a tam zawk chuan a chhunga tel emaw luhchilh kan tum loa, kan zirchiang taima tawk lo bawk. Chuvangin a nawlpuiin kan ram politics sukthlek kan hre lo hle reng a, hei hi kan ngaihtuah tawk loh vang a ni,” a ti.
Thawkkhat lai phei chuan politics chu ‘sual’ ang thawthangah kan ngai emaw tih turin kohhran upa leh kohhranmite tel ve na tlak lo ang hiala ngaih hunlai a awm tih a sawi a. Hei vang hi nge, active politics kher loah pawh kan tel tha lo (passive participation) hle tih Lalbiakzama hian a sawi.
“Hemi kawngah hi chuan kan nu leh pate kan tluk lo niin a lang a. Vote thlak kawngah pawh a tam zawk chuan mahnia ngaihdan siam tum loin, chhungkaw thutlukna ang kan vote deuh mai mai thin niin a lang a, hei hi thil pawi tak a ni,” a ti.
Kan duh emaw duh lo emaw kan ram hruaitu tura kan thlan tlin apiangte kaihhruaina hnuaia kan awm a ngaih tho tho avangin, min hruaitu tur kan thlan dawnin ngaihtuahna sen a ngai tih Assembly speaker hian a sawi a. Ram hruaitu thlan chu mi lar emaw mi fel ber emaw kohhran hruaitu thlanna emaw a