Japan in last 32 an lut

World Cup 2026 khelh mekah Zirtawpni zing lam khan Group F a mite an inchingfel a, khawchhak palian Japan chuan pahnihna ni chungin last 32 an lut. Group F-ah hian Netherlands chu group champion an ni a. Japan laka chak zo lo Sweden pawhin pathumna ni chungin last 32 an inhlangkai ve bawk.
Inkhel hmuhnawm, inkhel inhnehtawk
Football-ah khawchhak palian, hmasawn chak tak Japan chu World Cup 2026-ah hmuhnawm takin an inlan a, an khel tha viau bawk. Team lian Netherlands lakah tlawm pumpelhin point hlu tak an hmu a. Tunisia hneh zuiin point li an hmu a, last 32 lut tluk an ni tawh. Group match hnuhnung berah point thum hmu tawh Sweden nen an intum a, pahnihna an inchuh. Inkhel hmuhnawm takah Japan leh Sweden hi 2-2 in an inhnehtawk.
Pahnihna ni chiang tura point khat mamawh Japan in Sweden lakah inkhel hmuhnawm an lantir leh a, point thum hmuh ngei tumin tan an khawh. Last 32 luhpui tura point thum a him tawk loh vangin Sweden tan chak a pawimawh leh zual a, Japan lakah an tlawm thiang tawh lo a ni ber. Inkhel pawimawh tak a nih vangin an ionkhel pawh a hmuhnawm a, an inngam tawk hle.
Inkhel hmuhnawm takah chawlhlawk hmin goal lut a awm thei lova, chawlhlawk hnu lamah goal hnih a lut ta thung. Team hmuhnawm Japan tan Daizen Maeda chuan minute 56-naah hmahruaina goal a thun. Goal thun hmasa zawk an nih vangin Japan an phur a, chak ngei tumin an inlan zui a, an che vel hmuh a nuam hle.
Goal an chhuah hnuin Sweden in an si phurh sut ngei tumin tan an khawh zui a, goal pawh an thun thuai. Netherlands laka an goal neih chhun thuntu Anthony Elanga chuan minute 62-naah goal thunin an si phurh a sut a, an tlawm tur a chhanhim.
1-1 a nih hnuin inkhel a hmuhnawm zui viau a, goal thun tumin an innawr tawn nasa hle. Inkhel hmuhnawm takah goal a luh belh thei tawh lova, Japan leh Sweden te chu 1-1 in an inhnehtawk zui ta a ni.
Group F-a pahnihna Japan hian last 32-ah khingpui hautak an nei nghal dawn a. Team lian Brazil an hmachhawn zui nghal dawn. Football ram ram ropui Brazil lakah fiahna hautak hmachhawnin, football a hma an sawnzia tilangin last 16 luh ngei tumin tan an khawh ang.
Memphis Depay a kir, Holand an phur
Group F a inkhel dangah point 4 hmu a, table chungber luah mektu Natherlands in tla chiang tawh Tunisia an hmachhawn a, 3-1 hnehna an chang a, group champion ni chungin last 32 an inhlangkai. Netherlands hian last 32-ah khingpui hautak tak an nei zui dawn a, Morocco nen last 16 luh an inchuh dawn.
Netherlands hian Tunisia lakah bul an tan tha viau a, inkhel tan atanga minute sarih chhung lekin goal hnih an thun hman der. Tla chiang tawh Tunisia in team lian Netherlands lakah chhe takin bul an tan a, Ellyes Skhiri chuan minute 3-na lekah an lamah ti-goal palhin Netherlands hmahruaina goal a thunsak. Hmahruaina goal an thawhchhuah hnuin Netherlands tan hian khel tha chho tak Brian Brobbey chuan minute 7-naah an goal hnihna a thun a. Minute 62-naah Jan Paul van Hecke chuan an goal thumna a thun zui leh bawk. Tunisia tan hian Hazem Mastouri chuan minute 54-naah goal thun bawk mah se result erawh a tidanglam phak lo thung. Tunisa hian tlawm vek chungin World Cup 2026 an mangtha mai a ngai zui ta a ni.
Tunisia an hneh tum hian Netherlands tana goal thun hnem ber leh assist ngah ber ni bawk Memphis Depay chuan hun tawp dawn hnaihah mual chhung lutin inkhel a hmachhawn. Hliamin a tihbuai hnua a inlan leh ta hian team a fuih phur viau a. Morocco lakah inrintawkna sang zawk nen an inlan theih ngei a rinawm.
vawi khat nana kockout round luh ngei tuma tan khawh Scotland in goal thun tum viau mah se an hlawhtling thei lo. Inkhel hmuhnawm takah goal lut a awm belh theih loh reng hnuin Brazil an che fuh hmasa leh a, goal an thun belh. Rayan siamsak atangin goal hmahruai thuntu Vinicius Junior chuan an goal hnihna a thun a, 2-0 a hmahruai chungin chawlhlawk an hmang.
Brazil tan Vinicius Junior a chetha chhunzawm zel a, World Cup 2026-ah vawi thum khel tawhin goal 4 a thun tling tawh a, goal thun tam zual zingah a tel mek. Vini chetha leh Ancelotti-a’n Igor Thiago aia a thlan tak Matheus Cunha an chetha dun a, goal an thun zawnin Brazil team a tiphur hle a, champion seiseina sang zawk nen hma lam an pan.
Chawlhlawk hnu lamah inkhel a hmuhnawm chhunzawm a, Scotland in an si phurh sut tumin tan an khawh nasa hle. Goal thun tum viau mah se Brazil team inrem fuh tak an paltlang thei lova, goal an thun thei lo. Scotland in goal an thun theih loh reng laiin Brazil tan Matheus Cunha chuan minute 60-naah an goal thumna a thun a, an chakna a nem nghet. Cunha goal thun hnuin goal dang a luh belh thei tawh lova, 3-0 ngawta hnehna changin Brazil in point thum hlu tak an hmu.
Scotland an hmachhawn tum hian player ropui, football ngainatute hmuh chak Neymar chuan khelmual a lut ta nge nge a, minute 76-naah Cunha a thlak. Neymar hian goal thun lo mah se ball thiam bik a nihna lantirin a che vel a hmuhnawm leh viau a. Inkhel thei tura a dam ta hian Brazil team leh amah tantute a tiphur hle. Player ropui, World Cup dang hmachhawn zui tawh lo tura ngaih zinga mi Neymar a inlan hian World Cup 2026 kalh a tihkim zual belha ngaih a ni.
Scotland lakah an chak vangin Brazil hian khelh thum atanga point 7 hmuin Last 32 an lut a, Group champion ni chungin an tlang. Last 32-ah Group F-a pahnihna an hmachhawn zui leh dawn a, an hmachhawn theih turte hi Netherlands/Japan/Sweden te an ni a. Tu emaw ber hi hmachhawn pawh ni se inkhel awlai tak a ni dawn lova, inkhel hautak zawk an hmachhawn ngei tura ngaih a ni.
Brazil in last 32 an luh laiin Scotland dinhmun erawh a chhe viau thung. He thu buatsaih lai thleng hian pathumna ni chunga titha zual pariat zingah palina an ni phak a, point 3 hmuin goal diference-ah -3 a ni bawk. Tla hlawm tawp la ni em bik lo mah se Last 32 lut thei turin an dinhmun a chhe viau thung a. Thaw dep dep chungin team dang khel an ngaihven reng a ngai dawn.
Saibari a kal zel
Group C a inkhel dangah point li hmu tawh Morocco in tla chiang tawh Haiti an hmachhawn a, 4-2 a hnehna changin last 32 an inhlangkai. Morocco tan Ismaila Saibari a khel tha chhunzawm zel a, Haiti lakah goal khat thun lehin World Cup 2026-ah goal a la thun vek. Tla chiang tawh Haiti hian team lian Morocco lakah bul an tan tha viau a, goal an thun hamasa. Inkhel tan atanga minute 10-na lekah Morocco player Yassine Bounou chuan an lamah ti-goal in Haiti hmahruaina goal a thunsak. Si an phurh reng hnuin Achraf Hakimi chuan minute 39-naah goal thunin an si phurh a sut. 1-1 a nih hnuin Haiti an che fuh hmasa leh a, Wilson Isidor chuan minute 43-naah hma an hruai nawn lehna goal a thun. Hnufual nawn leh mah se Morocco tan Ismael Saibari chuan minute 45’+1-ah goal thunin an si phurh a sut a, 1-1 a inhnehtawk chungin chawlhlawk an hmang.
Chawlhlawk hnu lamah inkhel a hmuhnawm chhunzawm viau naa Morocco lam chan a ni deuh chawt tawh thung. Soufiane Rahimi chuan minute 78-naah hma an hruai letena goal a thun a. Hun tawp dawn hnaih minute 89-naah Gessime Yassine chuan an goal lina a thun belh zui leh a, an chakna a nem nghet. Beisei aia inkhel hmuhnawmah Morocco in Haiti chu 4-2 in an hneh a, Group C-ah pahnihna ni chungin last 32 an lut.
An that rual lai hun tawng mek Morocco hian last 32 ah inkhel hautak an hmachhawn zui a ngai dawn a, Netherlands nen intum theihna hun tha tak an nei. Morocco hian Group F-a champion an tum dawn a, champion ni turin Netherlands dinhmun a tha hle.