Zopa tualchher thiamte khawl siamchhuah sem

Mizoram Science, Technology & Innovation (MISTIC) Directorate of Science & Technology leh National Innovation Foundation (NIF) tangdun chuan a tum thumna atan Innovation Facility Centre (IFC) MINECO-ah Ningani khan tualchhung Zopa tualchher thiamte khawl siamchhuah a sem chhuak
Mizoramah Zopa tualchher thiam (grassroot innovator) kan tih mi 50 chuang awmin, an ni hian an hmanraw hmuh theih leh tualchhung mamawh milin mipui harsatna engemawzat an sutkian sak tawh a. MISTIC hian IFC leh Patent Information Centre kaltlangin innovation lamah nasa taka hma la in NITI Aayog 2025 Report-ah pawh IFC hi a lo lang ve tawh a ni.
NIF hi sawrkar laipuia Department of Science and Technology hnuai autonomous institution niin, innovation-in hma a sawn theihna tura India ram pum huapa hma la tu a ni a. MISTIC hi Mizoram sawrkar hnuaia MISTIC lamin hma a sawn theihna tura central rawtna anga Mizoram sawrkarin a din a ni.
Tun tuma beneficiary 30 hnena khawl semchhuah niin, Zopa tualchher thiam – Ramdinmawia (Haulawng), hmarcha chi leh a kawr thliarna; Lalhruaitluanga (Serchhip), changel channa; Lalbiakzuala Ralte (Luangmual), kuhva kawrpui leh a thelfaina; Lalthafela (Kawnpui), kuhva thelfaina a ni a. Heng khawl hi a thlawna dawn ni mah se, a hmangtu tur leh NIF/MISTIC hian inremna ziakin an khawl dawn hi tangkai taka hmang a, a hun taka review/ feedback pe tura intiamkamna siam a ni.