Aizawl Bazarpui building sak mek minister-in enpui

Aizawl City Centre (ACC) leh a bula Aizawl City Centre Annexe (ACC Annexe) sak mek chu Nilaini zing khan Commerce & Industries minister F Rodingliana chuan a tlawh a. Commerce & Industries secretary leh a thawhpuite, PWD engineer -in- chief leh a thawhpuite, UD&PA director leh a thawhpuite bakah Dawrpui Local Council-in an tawiawm.
Dawrpui Zion Street atanga New Market luhna kawng thlaa tuihawk luang nasa lutuk tih ziaawm dan tur enin ruahmanna an siam a. Zion Street thla atanga tuihawk lut thin tihziaawmna atan, step thlaah hian tui luh theih turin awng mumal tak, step sir tuiluankawra luanglut turin siam nise tih a ni.
Smart City project-a ACC building sak mek leh Commerce & Industries department-in ACC Annexe a sak pawh Power & Electricity minister ni bawk F Rodingliana hian a tlawh a. New Market-a sawrkar building chawm tura 500 kVA transformer dah chu enfiahin, hnathawh mek dinhmun a en bakah electric smart meter dah dan tur enpui bawk. ACC leh ACC Annexe inkalpawhna tur leh emergency exit atana ruahman, steel bridge siam mek pawh a en a. Market building chu ram tana pawimawh tak, mipuiin a an hman tangkai tur a nih avangin building satute chu uluk leh chak taka hna thawk turin a chah nawn.