Houthi vauna karah Saudi-in tumhmun hawng leh

Houthi vauna karah Saudi-in tumhmun hawng leh
Saudi Arabia chuan Yemen-a Iran-in a puih Houthi-ten beihah la vau reng mah se an thlawhna tumhmun lian ber chu an hawng leh ta tih an sawi.
Riyadh-a King Khalid International Airport hi October 10-a beih a nih hnuah khar a ni a, Houthi-te chu an tihah chhalin mi 13 an thi a, he thil thleng hi lalrama kum tam tak chhunga beihnaa thi an tam ber tum a ni.
Saudi Arabia hian Pathianni pawh khan hel pawlin an rama missile leh drone an thlawhtirte an la kap thla niin an insawi.
Buaina hi US-Israel tang dunin Iran an beih kal zela chhuak a ni a, US thawhpui, Saudi Arabia hi indona huang zau zelah pawh luh an ni.
Saudi thuneituten tumhmun chu thenkhat hawn leh a nih thu an puan laiin Houthi sipai thupuangtu, Yahya Saree-a chuan ‘a la him lo’ tia sawiin airline, thawktu leh zin mite chu la hmang lo turin a ti.
Inrinni tlai tawh takah khan tumhmun hian Pathianni atangin Terminal 1 chu tual chhunga thlawk leh ram dang thlawhna tan Terminal 2 hawn a ni dawn tih a puang.
Flightradar24-a flight tracking data Pathianni khan tumhmunah hian thlawhna che tlem a awm tih a tilang.
Saudi kaihhruai tangrual pawl chuan tun thla tir khan October 1 leh 11 inkarah Houthi-ten tumhmun hi vawi 20 an bei niin an sawi.
Saudi civil defense chuan Pathianni khan Houthi-ten Khamis Mushait leh Ahad ⁠Rafidah-a ballistic missile an kah an kahthlak perah mi pahnihin hliam an tuar a, chenna in leh lirthei chhia a awm tih an sawi.
Civil defense thuneitute hian Pathianni khan Riyadh bakah Abha, Khamis Mushait, Jazan leh Najran khawpuiah emergency alert an tichhuak a, a hnu lawkah hlauhawm a awm tawh lo tih an puang zui.
Riyadh lam hawiin drone pahnih leh ballistic missile kah a ni a, chhim lama Khamis hawiin cruise missile kah a ni bawk tih an sawi a. A hnuah Saudi Arabia chhim lam hawia ballistic missile kah 10 kah thlak a ni tih an puang zui.
Inrinni pawh khan Houthi hian tumhmun leh Saudi tuialhthei hmunte an bei niin an insawi a, Saudi thuneitute erawh chuan engmah an sawi lo.
Saudi Arabia hian Yeman-a Houthi-te hi thla hmasaa tui kawng pawimawh, Gulf-a tuialhthei thar chhuakten an thawn chhuahna kawng, Bab el-Mandeb Strait bul lawka Red Sea vaukam an lak hnuah an bei tan a ni.
Yemen-a indona chhuak thar leh hi UN-in kum 2022-a inkahhai a siam hnua chhuak a ni a. Saudi Arabia hi Houthi-in an khawpui, Sanaa an lak hnua Yemen-a tual chhung indonaah kum 2015 khan inrawlhin khawvelin a pawm sorkar tlu ta hi tun din leh tumin a pui a. Houthi nen hian an inbei ta a ni.