My Chemical Romance-in No.1 album an nei ve ta
My Chemical Romance-in
No.1 album an nei ve ta
My Chemical Romance album ‘The Black Parade’ chu an tlangzarh atanga kum 20-naah Billboard 200 (US albums) chart No.1 a kai a, he chart-a an band album No.1 kai thei hmasa ber a ni. He album hian chart record siamin, album an tlangzarh atanga No.1 kai tura hun duh rei ber a la ni.
‘The Black Parade’ album hi 2006-a an tlangzarh tawh kha niin, album kum 20 tlin lawmnan a deluxe version an tlangzarh thar a, an hla la tlangzarh loh leh live recording thar an dah tel. A album hi 2006-a an tlangzarh khan chart No.2 a kai a, an band album zinga he chart-a thleng sang ber niin, tunah No.1 a kai ta a ni.
MCR hian July 2025 atang khan he album pual hian tour an lo nei tan tawh a, tun thla ni 22 hian an tour kharna hi Indonesia-ah an nei dawn a ni.
Billboard 200 chart hi US-a kar khat chhunga album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
MCR ‘The Black Parade’ hi 78,000 hralhin, No.139 atangin No.1-ah a invawrh a, album tak tak hralh chu 68,000 niin, streaming atangin 10,000 (on-demand official stream maktaduai 10.14) a tling a, album-a hla a mala hralhna chu chhiar tham a ni lo.
Chart No.2-6 chu No.1 hlui vek niin, Olivia Rodrigo ‘you seem pretty sad for a girl so in love’ chu 64,000 hralh lehin No.2 a ni a, Morgan Wallen “I’m the Problem” chu 53,000 hralh lehin No.3 a la ni a, Ella Langley “Dandelion” chu 47,000 hralh lehin No.4 a la ni a, Noah Kahan ‘The Great Divide’ chu 39,000 hralh lehin No.6 atangin No.5-ah a insawn a, Taylor Swift ‘The Life of a Showgirl’ chu 35,000 hralhin No.5 atangin No.6-ah a tawlh ve thung.
Zach Bryan ‘Young Manhood and Other Donatable Organs’ chu 33,000 hralh lehin No.2 atangin No.7-ah a tawlh a, Noah Kahan “Stick Season” chu 32,000 hralh lehin No.8-ah bawk a la awm a, Drake ‘HABIBTI’ chu 31,000 hralh lein No.7 atangin No.9-ah a tawlh a, Olivia Dean ‘The Art of Loving’ chu 30,000 hralh lehin No.9 atangin No.10-ah a tawlh ta bawk.