State/UT Assembly PAC khawmpuiah tel

Keralam Legislative Assembly, Thiruvananthapuram-a Conference of Chairpersons of Public Accounts Committees of Parliament of India and State /UT Legislatures neih mekah Mizoram Public Accounts Committee aiawhin chairman Lalchhandama Ralte leh members – TBC Lalvenchhunga, Ginzalala leh T Lalhlimpuia te an tel.
Ni hnih awh conference-ah hian India ram State Assembly PAC hrang hrang kalkhawmin “Audit, Accountability and Good Governance – The evolving role of the PAC” tih thupui sawiho a ni a, hmalakna tur hrang hrang an chhawp chhuak.
Sawihona, plenary session-ah PAC chairman, leader of opposition ni bawk Lalchhandama Ralte hian thu a sawi a. Kalkhawmten an sawiho hnuah resolution pariat an pass a ni.
Conference-ah hian Lok Sabha speaker Om Birla, Rajya Sabha deputy chairman Harivansh Narayan Singh, PAC of Parliament chairman KC Venugopal te chu khuallian an ni.