Tate McRae “Housewife” a la lar ber

Tate McRae hla hit “Housewife” chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian a zawnin kar hnih a No.1 ta. Hetihrual hian Jamie Miller pawhin a vawi khat nan chart top 10-a lang thei hla a nei ve ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Tate McRae “Housewife” hian kar khat chhungin stream maktaduai 64.1 nei len, download sales 3,000 a la tling bawk a, hei a kar hnih nan chart-ah a No.1 pui leh ta a ni. Canadian singer-songwriter Tate McRae hian Billboard Global 200-ah hian No.1 kai thei hla pahnih a nei tawh a, 2023 khan a hla ‘Greedy’ chu kar hnih a lo No.1 pui tawh bawk a ni.
Chart No.1 hlui Karol G, Judeline leh rusowsky “BbY WOW” chu No.3 atangin No.2-ah a insawn leh hret a, ADELA “Nicole Kidman” pawh No.4 atangin No.3 a kai thar ve leh ta a, Olivia Rodrigo leh Chappell Roan “Expectations” chu No.2 atangin No.4-ah a tawlh a, Ashe “Stop the Wedding!” chu No.10 atangin No.5-ah a invawrh ve thung.
Weslh artist Jamie Miller “Babydoll” chuan stream maktaduai 19.8 leh download sales 13,000 neiin, No.37 atangin No.10-ah a invawrh a, he chart top 10-a lang thei hla a neih vawi khatna a ni. He hla hi UK Official Singles Chart lamah pawh No.1 a ni mek bawk.
Billboard Global 200
Top 10:
1 Housewife – Tate McRae
2 BbY WOW – Karol G With Judeline & rusowsky
3 Nicole Kidman – ADELA
4 Expectations – Olivia Rodrigo & Chappell Roan
5 Stop The Wedding! – Ashe
6 Ain’t In LA – ADELA
7 Choosin’ Texas – Ella Langley
8 The Cure – Olivia Rodrigo
9 Lies – Zach Bryan Featuring Lana Del Rey
10 Babydoll – Jamie Miller