Elon Musk-an Shanghai-ah factory din tum
Elon Musk-a electric car company Tesla chuan China-ah inzarpharh zel dawnin battery lian tham taka siamchhuahna tur factory thar an din tur thu an sawi.
Shanghai-a plant an siam tur hian kum khatah ‘megapack’ energy storage unit 10,000 a siam chhuak thei dawn tiin an sawi a.
Megapack hi battery lian tak energy grid te stabilise theia power outage awm thei dang thei tur a ni.
Tesla te hian California-ah Megapack plant an nei sa tawh a, hetah hian kum tinin 10,000 unit an siam chhuak tawh a ni.
Musk chuan Twitter kaltlangin Chinese plant an siam tur hi US a Tesla factory belhna tur tiin a sawi.
Kumin chhungin hna tan hman theih beisei niin kum 2024 summer lai atangin battery production an titan hman dawn niin Chinese state media outlet Xinhua te chuana n sawi a.
China hi khawvela battery siamchhuaktu lian ber niin Tesla te chuan man tlawm zawk leh sum seng tlem siin battery tam zawk a siamchhuah theih a inbeisei a ni.
Hetih lai hian US sorkar chuan American company te chu Beijing leh Washington inkara chhe zelah China a innghahna titlem tial tial turin a beisei thung a.
Nikum khan US technology firm te federal funding dawng te chu Biden administration chuan kum 10 chhung atan China a ‘advanced technology’ facility an din a lo khapsak tawh a. Chu chu US semiconductor industry tihphuisui nana $50 billion plan kalpui zelna a ni bawk.
Nikum August khan Biden chuan high tech manufacturing leh scientific research atan $ 280 billion a thehchhuah thu sawi bawkin hei hi US-in China laka technology lama a hloh mek zel danna tura hmalakna a ni.
Kum 2019 khan Tesla te chuan US pawna an factory hmasa ber chu Shanghai-ah an lo bun tawh a, tun dinhmunah he plant hian kar tin vehicle 22,000 a siam chhuak ziah ang a ni