EU-in US emaw China a thlawp bur tur a ni l

French President Emmanuel Macron chuan Europe chuan US emaw China leh Taiwan emaw pawh zuitu a ni tur a ni lo tia sawiin ‘kan buaina ni lovah kan inrawlh a rem lo’ tiin a sawi.
Macron thusawi hian Washington a ti lawm lo hle tura ngaih niin chutih rual chuan European Union chhungah pawh China laka rilru puthmang inang lo a tarlang hlea ngaih niin US chuan China a zim nat tial tial laiin Beijing erawhin Ukraine indona thlen hnuah Russia a hnaih tial tial thung.
“Thil tha lo ber ni thei tur chu European-tena American rythmn kan zui emaw leh Chinese chetlakna kan thlawp emaw a ni ang,” tiin Macron chuan Beijing tlawha ni thum a cham hnua Paris a let lehnaah a sawi a.
EU ‘strategic autonomy’ chu ngaih pawimawh ber a ni tur a ni tia sawiin French leader chuan ‘US nen kan ngaihdan inan lohna te pawh Ukraine chungchang a ni emaw China emaw hrekna chungchangah a ni emaw kan chiang tur a ni a, European strategy kan nei tur a ni’ tiin a sawi.
“Block versus blog logic ah inhnamhnawih kan duh lo,” tia sawi bawkin Europe chuaan ‘khawvela kan buaina ni hauh lo buaina thilah kan inhnamhnawih a ngai lo’ tiin a sawi.
China chuan democratic, self-ruled Taiwan chu an territory-a a ngaih tlat niin a tul a nih chuan tharum hmang pawha nikhat chu a la awp tho tur, a ti hial a.
Kar kaltaa Taiwanese President Tsai Ing-wen in US House Speaker Kevin McCarthy nena inbiakna an neih chu a duhlohzia lantir nan Beijing chuan Taiwan thliakar chhehvelah sipai nunchan turu takin a kalpui zui nghal a ni.
Kar kaltaa Macron-an China a tlawhnaah Taiwan chungchang pawh Chinese leader Xi Jinping nen an sawi dun bawk a. Macron rual hian EU Commission President Ursula von der Leyen pawhin China a tlawh bawk.
Elysee Palace official-te chuan French president chuan Xi Jinping nen inbiakna langtlang hrak an nei tiin a sawi a. Macron chan Taiwan chungchangah China chu a lova luakchhuaka chet laah a puh bawk a, China chu Taiwan chungchanga status quo thlak danglam tum lo turin a ti niin Antoine Bondaz, Paris-based Foundation for Strategic Research (FSR) chuan a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More