A ha-a kg 125 seh kângin record siam

A ha-a kg 125 seh kângin record siam
Yogist Vikas Swami chuan kg 125 a rit a haa sehin a chawi kang thei a, Guinness World Records a siam. Swami hi a fate panih Anmol Swami, kum 16, leh Aditya Swami, ku 10, ten a record siamnaah hian an tawiawm.
Karanawal khua a cheng, Swami chuan, “Hei hi ka mimal hlawhtlinna a ni mai lo va, kan khua leh ram pum tan a ni,” a ti.
Swami hian February ni 14, 2025 khan Italy-a TV show Lo Show Dei Records-ah Guinness World Record hi siamin, kg 125 a rit chu seh betin 35.57 chhung a chawi kang thei a, record a siam ta a ni. Swami hian 2023 khan ‘India’s Got Talent’-ah a ha a kg 80 seha chawi kangin a thiam thil a lo entir tawh a, chuta tang chuan Guinness World Records siam tumin a inpuahchah ta a ni.
An chhungkua hi an dangdai ve reng reng a, a fapa te pawhin an pa hi a chhun riau a, a upa zawk Anmol pawhin kg 105 a rit a ha a sehin a chawi kang thei a, a naupang zawk Aditya pawhin kg 61 sehin a chawi kang thei bawk.
Swami hi tunhmain hetiang lamah hian a theihna engmah hriat a ni ngai bik lo a, 2010 khan school bus driver niin, Sardhana Road, Meerut-ah a chesual a, chutah chuan a hriatna te a hloh deuh a, rei ngial a inenkawl nuah yoga a tuipui ta a, chuta tang chuan a theihna hi a hrechhuak ta chauh a ni.