A kir ruala goal khung nghal Messi

Hliam thawhsana khelmual a luh leh rualin Lionel Messi chuan Inter Miami tan goal a thun zui leh nghal a, nimin Major League Soccer inkhel pakhata Colorado Rapids nen 2-2-a an inhnehtawkna game-ah Miami tan goal khat a thawh.
Kumin March ni 13 hnu lama chawn tha na avanga chawl zui ta vang vang Argentine hi match li zet a awl hman kha a ni a, hliam a\anga a kirlehna game-ah hian sikhat faia an hnufual laia second half-ah Inter Miami siphurh a sut a, goal hmahruai hi penalty a\anga Colorado Rapids player Rafael Navarro chhuihluh a ni.
Chawlhlawk hnuah Messi hian a team-mate Leonardo Afonso siamsak a\angin Miami siphurh hi a ke veilamin a sut a, goal hmangin dam a lawm.
Miami boss Gerard Martino chua Messi goal chungchang sawiin, “Leo-a chet dan kha a tan chuan thil naran mai a ni. Kan team leh a team-mate tiphurtu a ni leh. A pawimawh ber chu harsatna neui loin a inkhel leh ta a, nuam a ti a, a rilru puthmang pawh a dik leh vek tawh a, goal a rawn thun zui leh nghal khan amahah inrintawkna pawh a siamsak ngei dawn a, a bik takin Monterrey-a Concacaf Champions Cup quarter-final second leg kan khelh turah hliam avanga hlauhthawnna awm thei lak a\angin inrintawkna a siam ngei ang,” a ti.
First leg-ah khan Mexican team lakah Miami hi 2-1-in an tlawm a, second leg-ah hian Messi mawhphurhna a sang zual dawn a ni.