A lo intiam tawh angin Biden-a’n Angola pan
Joe Biden chuan pathianni khan Angola a pan a, a president laia a lo tiam tawh Africa tlawh tura a lo intiamna chu a hlenchhuak ta chiah bawk.
Angola-ah hian US in a lo ruahmanpui tawh rel hmanga inkalpawhna tur project lian tak tak chu ngaihtuah berah a nei dawn nia sawi a ni a, China puihna ngai lo tura an ram hmalakpui a tum nia sawi a ni.
China hian September thla khan Tanzania leh Zambia ramte chu inremna neihpuiin, Africa hmar lam tuipui kama rel kawng siam thar lehna tur inremna a lo siampui tawh a ni.
Biden-a’n a president tawp dawn hnaiha Angola a pan hi hmasawnna leh hnathawh tur ropui tak a nih avangin Trump-a’n White House a luah hnuah pawh chhunzawm a ni ngei a rinawm a, Trump hun hmasa lama a hnuaia thawk official pahnihte chuan Angola chu puih chhunzawm zel a nih ngei an rin thu an sawi.
Angola ram hian Democratic Republic of Congo (DRC) leh Zambia te chu Atlantic tuipui kama lawng chawlh hmunah thlunzawmna tha tak a nei a, hei hi US chuan remchangah lakpuiin, Angola ram chhung chin hi thuamchak a tum nia sawi a ni bawk.
A lo intiam tawh angin Biden-a’n Angola pan
Get real time updates directly on you device, subscribe now.