BSF te’n dan tumin lo enthla \hin mah se Bangladesh a\angin Mizoramah a rukin raltlan an lut zeuh zeuh tho a, tun hnaiah pawh mi 50 vel lut thar an awm leh tih thu dawn a ni.
Thu dawn danin, Chawlhni liam ta March ni 12 khan Bangladesh-a Chittagong Hill Tracts a\angin mi 50 vel, chhungkaw pakuate chu a rukin Lawngtlai District-a Chamdur P an thleng a, naupangte pawh an awm.
Chittagong Hill Tracts a\anga Mizorama raltlante hian Parva III an pan \hin a, tuna lut tharte pawh hian Parva III hi an pan. Mahse he khua hi BSF-in an ven nasat avangin an lut thei lo a, khaw daiah zan khat emaw an riah hnuah lut ngam lovin Chamdur P hi an pan ta tih thu dawn a ni.
Mizoram hi raltlante tan hian rei lo tea thlen theih a ni a, mahse BSF an duty avangin hel an ngai a, kual tak taka kal a ngaih bakah kal lova chawlh a ngaih chang te a awm avangin an thang rei \hin. Tuna lut tharte pawh hi chawlhkar khat vel an thang nia hriat a ni.
A hmain February ni 16 khan mi 53, chhungkaw 11 te chu a rukin Parva III-ah an lo lut tawh a, anni pawh hi ni thum vel an thang a ni. January ni 15 khan chhungkaw 22 vel, mi 56 chu a rukin Mizoramah an lo tlanchhe tawh bawk.
Chittagong Hill Tracts hi an ralmuang lo telh telh nia hriat a ni a, an inkah reng bakah inkahna hmun pawh a zau telh telh. Hei vang hian Zo hnahthlakte chu Mizorama tlanchhiat an duh a, mahse BSF an awm avangin tlanchhe duhte pawh an tlanchhe ngam lo zawk tih thu dawn a ni.
A rukin raltlan 50 Mizoramah lut leh
Get real time updates directly on you device, subscribe now.
Prev Post