2020 kum chawhma lamah Covid-19 vangin khawvel ram dangte ang bawkin Mizoram a inkharkhip tan a, mipui chetvelna a chawl thuap a nih a nih kha. Mahse khang lai khan innei an lo tlem chuang lo.
Registrar General of Marriages-in a chhinchhiah danin, 2020-21 (2020 April ni 1 atanga 2021 March ni 31) chhung khan Mizoramah tuak 3703 an innei a, hei hi a hma kuma innei zat aiin a tam. Hrilen hma 2019-2020 (2019 April ni 1 atanga 2020 March ni 31) khan tuak 2694 an innei a, inkharkhip tan kuma innei zat hi 1009-in a tam zawk.
2020-21 chhungin Covid-19 vangin Mizoram a inkharkhip deuh char char a, a kum leh 2021-22 chhung pawhin Mizoram a la inkharkhip fo. Hemi kumah hi chuan innei zat a tlem ta a, tuak 1204 an innei.
Mizoram Compulsary Registration Marriages Act, 2007 hnuaia innei tharte chu inziahluh zel tur a ni a, he dan hi 2008-ah hman tan a ni.
Innei tharte chu an inneih atanga thla khat ral hmaa inziaklut tura tih an ni a, hun tiam ral hnuah chuan inziaklut turin late fee chawi a ngai.
He dan hnuaia inziahluh hi mipuiin an ngai pawimawh telh telh tih thu dawn a ni a, inziaklut lo, a hnua an thiltihna tura an mamawh leh si avanga inziaklut tha leh te pawh an awm thin tih thu dawn a ni.
He dan hnuaiah hian 2022 March thleng khan innei thar inziak lut mi 35,196 an awm tawh a, a tam ber chu Kristian dana innei niin, mi 32,611 chu Kristian dana innei an ni. Hindu dana innei 157 an awm a, Muslim dana innei pakhat, Buddhist dana innei 2,424, sakhaw dang dana innei pathum an awm.
Inkharkhip laiin a hma aiin innei tam
Get real time updates directly on you device, subscribe now.
Prev Post
Next Post