Inrinni Italian Open hmeichhe singles final-ah 6-4 1-0-a Wimbledon champion Elena Rybakina-in Ukrainian nula Anhelina Kalinina laka hma a hruai laiin a tumpui Kalinina hi hliam avangin a khelh chhunzawm thei ta lo a, hahdam zawkin Kazakhstan player hian hnehna a chang.
A ke hliam avanga mittui nena khelmual chhuahsan Anhelina Kalinina of Ukraine tan tun kha WTA 1,000 final a khelh vawikhatna niin, a ke veilam hliam chu han tuam bawk mah se a ziaawm phah tak tak zo lo a, minute 65 an khelh hnuah mittui nen a inhnukdawk ta a ni.
Elena Rybakina tan Italian Open kha WTA title pali a lak tlinna niin, Rome khaw tournament-ah a tumpuite an vanduai thei a, kartawp inkhel kha Italian Open-a a tumpuite’n harsatna an tawh avanga awlsam zawka a chak vawithumna a ni.
Rome khuaa a hlawhtlinna avang khan kum 23 mi Rybakina chuan May ni 28 atanga Paris khuaa khelh tan tur French Open-ah top-four seeding a chan theih phah.
Rybakina hian ropui takin kum bul a tan a, Australian Open-ah runner-up niin, Indian Wells title a hlawhchhuak zui bawk.
Serena Williams, Petra Kvitova, Simona Halep, Garbine Muguruza leh Ashleigh Barty dawtah world number six Rybakina hi kum 2009 hnu lama tennis khelhna khelmual (clay, grass etc.) zawng zawnga Grand Slam emaw Masters title emaw la kim leh vek thei hmasaber a ni nghal.
A tumpui hliam vanga chak nuamsa Rybakina
Get real time updates directly on you device, subscribe now.
Prev Post
Next Post