AAP-in seat 4 chuh dawn

AAP chuan a vawikhatna atan Mizoram MLA inthlanpuiah seat an chuh dawn a, bial 4-ah candidate an nei dawn.
Ningani khan AAP North East incharge Rajesh Sharma chuan Aizawlah an candidate tur hi a puang a. An party-in a vawikhatna atan Mizoram MLA inthlanah candidate an nei tur chu lawmawm a tih thu leh an candidate turte chu thalai lehkhathiam tak tak an nih thu a sawi a. An party chuan eirukna an do thu leh ram hmasawnna thlen chu an thupui ber a nih thu a sawi bawk. Bial 4-a an candidate turte chu – Aizawl North III ah Andrew Lalremkima; Aizawl West I-ah Vanlalmawia Vanchhawng; Aizawl West III-ah Joseph Biakthianghlima leh Aizawl South I ah Lalngaihawma Pachuau te an ni.