AB PM-JAY ah damloten nuai sang 7 chuang hmang

Sawrkar laipuiin mi harsate tan health care scheme a kalpui chu Mizoramah chhungkaw sing 9 chuangin hmang tangkai tawhin, am inenkawlna atana senso hi cheng nuai 7000 chuang a tling.
Ni hnih awh Ayushman Bharat Pradhan Mantri Jan Arogya Yojana (AB PM-JAY) State Review Meeting chu state health agency – Health & Family Welfare department bultumin July 12 & 13 khan Aizawlah neih a ni.
AB PM-JAY scheme hi 2018 September atangin Mizoramah hman tan a ni a, chhungkaw harsa thlanchhuah (Socio Economic Caste Census, SECC-2011 leh Rashtriya Bima Swasthya Yojana, RSBY-2018) a tel chhungkuate tana duan a ni. He scheme hmang tur hian a hmang theituten Ayushman card/ Golden card an neih a tul.
Tun thlengin Mizoramah Golden card 437037 chu chhungkaw 136083 tan siam a ni tawh a, inenkawlna bikah damlo 95826 ten hmang tangkai tawhin inenkawlna senso atan hian Rs. 70,01,01,233 senral a ni tawh.
Thutkhawmah hian Mizorama AB PM-JAY hman kawngah state level-a hospital titha ber leh district tina hospital tithate bakah district tina nodal officer/ medical officer leh Arogya Mitra thlante chawimawina hman a ni a. State level-ah hian State Referral Hospital Falkawn chu thlan niin, PHC level-ah Thingsulthliah PHC thlan a ni. Medical Officer Award chu Dr Lawrence Lalramenga, Thingsulthliah PHC hnenah hlan niin, Prime Minister Arogya Mitra hi K Vanlalnghaki, Thingsulthliah PHC hnenah hlan a ni.