Actor Adam Sandler chuan 2023 Kids’ Choice Awards-ah King of Comedy Award a dawng dawn tih an puang a, hetihrual hian Mark Twain Prize for American Humor a dawng dawn bawk.
Nickelodeomn Kids’ Choice Awards-ah hian kumin atangin King of Comedy Award hi an sem tel dawn a, award hi March ni 4 hian Microsoft Theater, Los Angeles-ah an sem dawn a ni.
Sandler hian Kids’ Choice Awards hi 10 a dawng tawh a, a award dawn te hi animated movie-a a aw a thawhna te leh comedy film hrang hranga a channa te a ni. Sandler film hrang hrang zingah Grown Ups, Big Daddy, The Longest Yard, The Waterboy leh Hotel Transylvania te pawh a langsar zual an ni a, a film te hian dollar tluklehdingawn 3 chuang an lalut tawh nghe nghe a ni.
Sandler hian Mark Twain Prize for American Humor a dawng dawn bawk a, he award hi Kennedy Center-a Concert Hall, Washington DC-ah March ni 19-ah hlan a ni ang a, show hi CNN-ah an tichhuak ang. He award hlannaah hian Jennifer Aniston, Judd Apatow, Drew Barrymore, Steve Buscemi, Conan O’Brien, Chris Rock leh David Spade te pawh inlan tura puan an ni.
Kumin Kids’ Choice Awards hi TikTok star Charli D’Amelio leh Nate Burleson ten an host dawn a, Taylor Swift chu music category nomination-a langsar ber niin, nomination panga a nei a, a zawhte Olivia Benson Swift pawhin ama pualin nomination favorite celebrity pet category-ah a nei ve ran bawk.
Adam Sandler-a’n King of Comedy Award dawng dawn
Get real time updates directly on you device, subscribe now.
Next Post