Adani Enterprise te chuan February 1 khan follow-on public offer Rs 20,000 crore kalpui an tum chu an thulh a, investor te atanga an sum laksak tawh pawh an pe let nghal bawk a. Adani group te stock hi nasa takin a tlahniam a, an market capitalisation chu Rs 9.11 lakh crore laiin hun reilote chhungin US firm Hindenburg Research tena January 24 a stock manipulation leh accounting fraud kalpuia an puh hnuah a tlahniam a ni.
-- Advertisement --
Eng nge follow-on public offer?
FPO hi company te stock market a publicly listed ni tawh sa tena investor te hnena additional share an pekchhuah a ni a. FPO hmang han company te chuan investor te hnenah share thar emaw company a shareholder awmsa te chuan an share te chu investor dang te hnenah hralh an remti thin a ni.
FPO hi initial public offering (IPO) nen a in ang deuh reng a, a danglamna chu IPO chu compan tena a tumkhat nana public market an luhchilha investor te hnena an share an hralh hmasak ber chu a ni. Company te chuan equity capital tihpunbelh duhin FPO hi an kalpui thei a, hei bakah hian FPO chu shareholder tena an share hralha company an chhuahsan theih nana kalpui theih a ni bawk.
Adani Enterprise te hian kar kalta khan FPO hmangin Rs 20,000 vel lai hmuh tuma hma la an ni a. Mahse, Hindenburg Research report avangin an stock hlutna chu hun rei lo te chhungin a tlahniam ta awn awn mai a ni.
FPO kalpui chhunzawm turin thutlukna siam se chuan FPO an pekchhuah te chu an hralh vek thei dawn tih a chiang ta lo reng reng a, a chhan chu Hindenburg Report in mipui ngaihsak tute rilru a hruai kawi hneh tawh em vang a ni.
Eng vangin nge Adani Enterprise tena FPO kalpui lova investor te hnenah sum an peklet?
FPO Adani Enterprise tena an pekchhuah te chu a vaiin subscribed vek a ni a, a chhan ber pawh institutional investor leh high network individual lian tham tak thlawptu an neih ngah vang a ni a. An share te chu public market price aia sang a ni chungin an subscribed vek tho va, shares te chu retial investor leh company employee te hnenah hralh leh a ni a, mahse, Adani Group te stock hun reilote chhunga a danglam chak em vaangin undersubscribed in a awm leh a ni. Retail investor leh employee te hnenah share pekchhuah tura hisap 12% leh 55% te chauh hralhin a awm.
Karkalta Nilain khan Adani Group Chairman Gautam Adani chuan FPO chu kalpui chhunzawm loh tur tiin pawisa an lo lak tawh te pawh investor te hnenah pek let leh tur tiin thutlukna a siam a ni.
Adani Group sawiseltute thung chuan FPO te chu karkalta khan fully subscribed sa a n tawh a, company in a manipulate mai thei an ti thugn a. Investor lian ber ber te chu FPO a an invest theih nan an thlem an ti ve thung.
Hriat hlawh US billionaire investor leh short seller William Ackman chuan Adnai FPO te chu ‘rigged’ ani thei a ti bawk a. Sawiseltute chuan a bik takin Elara Capital (India) Private Limited leh Monarch Networth Capital pawisa tiamtir tu ber te chu shell company ownership, operations, investment portfolio behchhan an ni an ti a. Hindenburg Research report ah ELara Capital leh Monarch Network Capital te hi Adani group tena an stock leh an subsidiary te financial manipulate tu atana an hman an lo ti tawh bawk.
Adani Group te erawhin chhanletna an siamah an group leh shell entities te nen engmah dankalha transaction tih an nei lo an ti ve thung.
Hma lam hun zel
FPO fully subscribed a kalpui ni se chuan Adani group ten investor tena an group a rinna an nghah an hloh theihna lakah a veng zo ngei tura ngaih a ni a. MAhse FPO hlawhchham chuan group tena capital an mamawh an hmuhtheihloh phah tihna a ni thung a. FPO a buaina ai mah hian Adani Group te chuan buaina nasa zawk chinfel tur an nei thung.
Adani Group company te a share a tlahniam zel a, investor te confidence a tlahniam turu hle bawk. Investor te confidence neihlet leh chu thil khirhkhan lutuka ngaih a ni bawk a. Adani Group tena hmalam an pan zelna tur kawnga pawimawh ber chu investor te confidence neihlet leh chu a ni si a ni. Tun ang renga thil a kal chuan leiba an rulhna lamah te harstan tawk dawnin crisis turu zawk hmachhawn thei tur an ni bawk.
Lender lar Credit Suisse te ang chuan Adani company te bond an pawm tawh lo phawt a, hei hian harsatna nasa zawk a la thlen tura ngaih a ni bawk. NBikum khan Adani Group te hian ACC leh Ambuja Cement te an leia March thla hian an leina leiba $4.5 billion chu an pek a ngai phawt dawn bawk. Tuna market condition en chuan company sum awmsa chu an leiba rulh nan an hman mai a ngai dawn a, bond market atanga an leiba pek tum ngaihna a awm lova ngaih a ni.