India leh Malasysia te chuan April 1, 2023 atang khan Indian rupee in an insumdawntawn thei dawn ta tiin Ministry of Aexternal Affairs thuchhuahchuan a tarlang.
Ukraine crisis avanga Indian rupee humhim tumna kalpu mek zel a ni bawk a. Chutihlaiin US dollar international trade a hman ber chu thlauhthlak tial tial niin chumi remchang chu la in India chuan tan a la ta zel a ni.
Union Bank of India te chuan Malaysia a India Inrternational Bank of Malaysia te nena thawk hovin Special Rupee Vostro Account an siam a, he mi hmang hian engkim kalpui a ni dawn a ni.
“India leh Malaysaia a insumdawntawnna chu Indian Rupee (INR) hmangin kalpui a ni thei dawn ta a. Reserve Bank fo India in July 2022 a international trade INR hmanga kalpui a remtihna bawhzui zelna ani a. RBI hmalakna hi global trade leh glorbal trading community a Indian rupee hmun lailum luahtir tumna kalzel a ni” tiin Ministry of External Affairs chuan a tarlang.
Tun hnaiah khawthlang ram tena Russia President Vladimir Putin an February 24, 2022 a Ukraine a run avanga Russian economy a hrek zuiah US dollar hmanga sumdawnna kalpui a harsa hle a. Hrekna avang hian Russia a payment pek dawnin US dollar hman hleihtheih a ni lo va, hei vang hian chhanna dang zawng niin national currecny hman theiha siam leh khawvel huapa dollar hnuchhawn tumna a kal mek a ni.
March 14 khan sorkar chuan Rajya Sabha ah ram sawm pariat laia bank ah Reserve Bank of India chuan Special Rupee Costro Accounts (SRVAs) Indian rupee hmanga payment tihtheihna tur hawn a remtihsak thu a tarlang tawh a. Malaysia chu chung ram zinga pakhat chu a ni bawk.
“Kuala Lumpur a inbun India International Bank of Malaysia (IIBM) chuan Union Bank of India nena inzawmin Special Rupee Vostro Account hawn remtihsak a ni” tiin thuchuah chuan a tarlang bawk a.
“He mi hmang hian Indian leh Malaysain traders te chuan Indian rupee hmanga invoive siamin bungrua te man chhiar ani dawn a. He ruahmanna hian ram pahiha sumdawng te chu awlsamna a thlen nasa hle dawna ngaih niin Indian Rupee hlutna pawh a tipung tura ngaih a ni” tiin Union Bank of India chuan a tarlang bawk.
Kum 2021-22 khan India-Malaysia insumdawn tawnna chuan $19.4 billion a hawlh pha a, tuna ruahmanna thar hian a tipung tura ngaih a ni. Malaysia hi ASEAN region a Singapore leh Indonesia tihloha India sumdawnpui lian ber pathumna a ni bawk
Adani issue lakpen tumna vang ban ti
Get real time updates directly on you device, subscribe now.