Supreme Court chuan Zirtawpni hian Hindenburg Research teport a business conglomerate industralist Gautam Adani kaihhruai te chhuichiang tura apex court judge chawl tawh te kaihhruaina hnuaia committee din tura ngenna chu ngaihtuah a tum.
Advocate Vishal Tiwari chuan petition thehlutin Chief Justice D.Y. Chandrachud kaihhruai bench chu rang taka ngaihtuah turin a ngen a ni.
-- Advertisement --
Tiwari chuan bench Justice P.S. Narasimha leh J.B. Pariwala te pawh telna hnenah file dang pawh thehlutin hei erawh February 10 a ngaihtuah tura tih a ni thung a.
“Naktukah pawh hetiang petition tho hi a lut dawn” tia sawiin Tiwari chuan, “Hengte hi Hindenbrug Research report ram hmel tibala hlohna nasa tak thlen kaihhnawih vek a ni,” tia sawiin bench chu Zirtawpniah ngenna dang te nena ngaihtuah turin a ngen a.
“Aw le, thil tel rawh u” tiin CJI chuan a chhang a ni.
Public interest litigation (PIL) a thehluhah Tiwari chuan company lian te hnena Rs 500 crore chuang loan pek policy te chu special committee dina enfiah turin a ngen a.
Kar kalta khan PIL dang advocate M.L. Sharma chuan thehlut tawh bawkin chutah chuan short-seller Nathan Anderson of US based firm hindenburg Research leh an associates India amite chu investor pawi sawi lote lailanga market-a Adani Group te stock value titlahniam vakah puhin hrem turin a ti a ni.
Adani Group te chuan Hindenburg Research report tihchhuah hnuah an puhnate chu dawt a ni tia sawiin dan leh hrai engkim an zawm vek thu an sawi a.
Tiwari chuan thil hrang hrang avanga security market-a share tlahniam chuan mi tam tak te dinhmun a tichhia tiin a sawi a. “Mi tam tak, an damchhunga an sum khawl te stock market-a hlawk zawk duha invest te chu an sum tam tak laksakin an awm a ni,” tiin PIL chuan a tarlang.
“Billionaire Gautam Adani te empire zau tak Hindenburg tena an beihna avang hian Adani stock 10 te market value chu a zahve ah tlahniamin investor ten hloh nasa tak an neih phah a ni” Tiwari chuan a ti.