ADBBA Season Opening 2026: Team tlo leh fei BC Zotlang an championADBBA Season Opening 2026: Team tlo leh fei BC Zotlang an Champion
Mizoram Basketball Association (MBBA) hnuaia district inrelbawlna changtlung ber neitu, Aizawl District Basketball Association (ADBBA) chuan kum 2026 chhunga an district puala tournament an buatsaih hmasa ber, Season Opening Tourney final chu July ni 17, 2026 zan khan khelh a ni a, BC Zotlang chuan 79 – 77 in Mission Vengthlang BC chu an hneh.
Final hi Armed Veng Community Center-ah khelh a ni a, mipui hall khat tlatin an fuankhawm.
|anna hamrik a rik phat atangin Mission Vengthlang BC in inkhelah hma an hruai char char a, hun tawp a pawimawh lai chho ah an che sual a; champion tuma tuihal, veng pawn player pakhat chiah nei, kum 2015 a din tawh BC Zotlang lamin an hun tha hmuh bawh pelh lovin an chhawr tangkai a, point hnih hlu tak hmangin ADBBA Season khuhhawnna kawngkapui an tlawh hawng a – champion an ni!
Most Valuable Player bihchianna
Zotlang BC fachuam, Pu K.Lalawmpuia leh Pi Ponty Lalramtluangi te fapaVanlalrinchhana hi tualchhunga baler tha ber huanga hming lang pha ngat a ni thin a, MSL 10 ah Zemabawk BC semi final an luh hnu khan season khat tawp inkhel lovin eizawnna lamah a insawrbing a, a reh zui.
Tun season hian ADBBA lama division II, BC Zotlangah inziak lutin, player tha a chhal ngam Zarkawt BCA player hlui Nghhaktea leh rawlthar harhvang John-a te ho nen BC Zotlanng tan an rawn inlan a – hei an champion nghal!
Rinchhana hian zing lamah tha thlah lovin tun tournament pual hian inbuatsaihna a nei a, a thawhrimna chu amah leh a club in an tel zui a nih ta a nih hi.
A hnuhmna hnutchhiah lian zual phochhuak ila:
1. 2016, Puuducherry Nationals
2. 2018,MSL First Rookie Of The Year(Tuikual Basketball Club)
3. 2021, 1st North East Championship Shillong ,Gold-(Top scorer)
4. 2022, BFI-3×3 Championship, Bengaluru.
5.2022, Nationals Chennai
6. 2022, 2nd North east Olympic championship-Gold-(MVP)-Shillong
7.2023, Mizoram Super League (MSL, 11), Gold(Khatla TBL)
Mission Vengthlang BC mang chhia!
Season hmasa ah tarlan tawh angin tum li zet final-ah an chak lo va, hei season thar kan chuangkai a, inrelbawlna nei tha club hian final-ah harsatna an tawk leh tlat!
Coaching staff thar nena inthuam chhah tha an ni a, champion tur erawh chuan an player thar neih te nen an hun a la thelng lo cheu! He club thlir hian champion tura beih a hautak zia leh vanneih tel a ngaih zia a lang c hiang hle – hma an hruai char char a, an tawlh thlu leh tlat si lai hi an insiam thatna tur a ni ang.
Kum 2020 maia din he club hma lam hun erawh hi chu MSL nena insuihzawm chho thuai tura ngaih a ni; mahse, result zawng zawnga duhawm ber champion result an mamawh ta!
Lawmman… lawmman
A buatsaihtu ADBBA lamin trophy leh a behbawm an hlan a, chu mai a la ni lo, The Aizawl Post Hoops Mania lam ngenna angin tunhnaia lehkhabu tihchhuah zinga boruak nei lian tak mai, zirlaite atanga hringnun hmachhawn tura thahrui peipunna atana tha zet mai, ‘A malsawm ka chhiar seng lo’ tih Pi V. Lalmuanpuii ziah chu MVP hnenah hlan a ni nghe nghe.
Most Promising Player la phak tur rawlthar zingah keini The Aizawl Post Hoops Mania lam hian kan melh a – division III ni chunga semi final hiala invawrhkai thei, Zemabawk BC Jr. player tangkai leh thawhhlawk, Pu Jesse Vanrozama leh Pi H. Lalmalsawmi te fapa Elmer VL Hmangaihzuala chu lungsi takin kan thlang e.
BC Zotlang team list: Zoliansanga (Captain), Vanlalrinchhana, Samuel Lalramnghaka, John Laltanliana, Lalthangliana, Vanlalruata, Michael R Lalchhanchhuaha, Remruatpuia, K.Lalhruaitluanga, Lalrinawm, Lalhmangaihsanga, Benison Vanlalchhuansanga, Chanchinthamawia, Malsawmtluanga, Remruatfela Pachuau
Coach – Lalsangliana
Asst. coach Lalthathanga
Manager – Zonunsanga