Agartala-ah Chapchar Kut hmang
Tripura khawpui, Agartala-a Mizo hnahthlak hrang hrang inzawmkhawmna pawl, Agartala Mizo Welfare Association (AMWA) chuan April 15 khan Agartala-ah Chapchar Kut 2023 an hmang a. Central YMA president R Lalngheta leh finance secretary Fabian Lalfakawma ten an hmanpui.
Kutah hian Mizo zaithiamte zaiin, Miss Chapchar Kut 2023 thlan a nih bakah naupangten item hrang hrang an entir a ni.
Kut hmanpuitu Central YMA president chuan Zofate chu ram hrang hrang, tlang hrang hrangah kan cheng a, kan awmna apiangah kan chenpui hnamdangte kawmngeiha thiana siam zel a tul hle tih a sawi. Mizo hnam nun zemawi vawngnung a, chawilar zel turin a fuih.
Mizo hnahthlak tawh phawt chu khawi atang pawhin, chhan hrang hrang vanga Mizoram rawn bêlte chu YMA chuan a hnar ngai loh tur thu a sawi bawk.
Agartala-ah Chapchar Kut hmang
Get real time updates directly on you device, subscribe now.
Prev Post
Next Post