AH & Vety-in hnathawh thlirlet

AH & Vety department hotute chuan an secretary Lalsangliana hoin Zirtawpni khan an hnathawh an thlirlet.
Department hmalakna powerpoint presentation hmanga thlirho a ni a. Secretary chuan animal husbandry chu sawrkar laipuiin ngaipawimawhin, 2019 May khan ministry hran – Ministry of Fisheries, AH & Dairying a din tih a sawi.
Department hmun pawimawh thenkhat – MODAFER Ramrikawn, ZPDS Hatchery Tanhril leh AH & Vety Farm Selesih a tlawh tawh a, district lam pawh a tlawh zel dawn tih sawiin, hmunhma tha tak leh khawl changtlung tak nena hma a la chu lawmawm a tih thu a sawi a ni.
Thutkhawmah hian sawrkar flagship program Bana Kaiha hmalakna an enho a. Scheme leh project kal lai leh hmachhawp sawiho a nih bakah ASF hrilenga harsatna hrang hrang leh hmalakna tur sawi a ni bawk.
Senior officers, joint director (Southern Zone), District AH & Vety officers, Farm general managers, IAH&VTI principal leh directorate-a officer-te nen mi 33 an tel a. Tunah hian Mizoram Animal Husbandry & Veterinary Service-a post 115 awmah service lai 69 an awm mek.