AH&Vety minister intawhkhawmnaah Mizoram mamawh tarlang

Ministry of Animal Husbandry & Dairying buatsaih, India ram AH&Vety minister-te intawhkhawmna ‘Monsoon Meet’, Bhubaneswar, Odisha-a neiha tel Mizoram AH&Vety Minister C. Lalsawivunga chuan AH&Vety kaihhnawiha Mizoram mamawhte a tarlang.
Minister Lalsawivunga chuan, Mobile Veterinary Unit hnuaia mi chhawrte hlawh Govt. of India a\anga release thuai a \ul thu te, ASF-in kan state a tuam avanga kan tawrh nasatzia te, ran vulhtute chhawmdawl an ngaih thu te sawiin Central sawrkar chu hma laksak turin leh vaccine rang taka siam emaw ram dang a\anga lakluh dan kawng dap turin a ngen a. Hri leng awm thar tur ven leh hriselna kawnga Govt.of India-in chak taka hma a laknaah Mizoram sawrkar pawhin theihtawp a chhuah mek thu leh a chhuah zel tur thu a sawi a ni.
He intawhkhawmnaah hian Union Minister Raju Ranjan Singh chu khuallian a ni a, state tin a\angin minister leh official engngemaw zat an kal.
He Monsoon Meet hi ranvulha eizawnna leh bawnghnute thar chhuahna kawnga sawrkar hmalakna hrang hrangte sawt zawkna tihhlawhtlin a nih theihnana Sawrkar laipui, State leh UT te inrawnkhawmna leh sawikhawmna a ni.