Scientists-te chuan superbug hlauhawm tak tihlum thei antibiotic chu artifical intelligence (AI) hmangin an hmuchhuak a.
AI hian chemical sang tam tak te chu thlifimin chungte chu laboratory-a test turin a thliar hrang a ni.
Chumi hmang chuan antibotic thar abaucin tih chu enchhinna neih niin mihringa hman a nih hmain uluk zawka enchhinna la neih tur a ni.
Canada leh US a researchers te chuan AI chuan damdawi thar hmuhchhuahna kawngah nasa taka tichakin theihna sang tak a nei tiin an sawi a. Hei hi science leh medicine lama artificial intelligence tena awmze thuk zawk an neih theihna lantirna tiin an sawi.
Antibiotics te hi bacteria tihlumtu an ni a. Mahse, tun hnai kum tam tak chhung chu antibiotics thar hmuhchhuah a ni tawh lo va, bacteria te pawh tihhlum har tak an ni tial tial a, damdawi awmsate an pumpelh thei tawh hial a ni.
Khawvel pumah antibotics resist treatment avanga nunna chan maktaduai chuang an awm tawha ngaih a ni a.
Researchers te chuan bacteria chikhat harsatna thlen nasa ber- Acinetobacter Baumannii, hliam tizuala pneumonia thlen thei chu an thlurbing bik a ni.
He bacteria hi World Health Organization tena superbug pathum hlauhawm chungchuang ni thei tia an sawi zinga tel a ni a. Antibiotics awmsa tena an ngam mang loh niin damdawi In leh care home hrang hrangah pawh harsatna thlentu a ni bawk.
Dr Jonathan Stokes, McMaster University chuan superbug te chua n”public enemy number one” tiin a sawi a, a lnagsara ‘antibotics tin deuhthaw tena an ngamloh a ni’ tiin a sawi.
-- Advertisement --
Aritificial Intelligence
Antibiotic thar hmuchhuak turin researchers te chuan AI chu an zirtir phawt a. Damdawi dang chuang tehmeuh te chu lakhawmin a mal te te in Acinetobacter baumannnii lakah test neiin a timuang emaw tihlum thei em tih fiah an tum a ni.
Chu information chu AI hnenah hrilh lehin AI chuan chu bacterium tihlum thei tur chemical feature nei chu a zawng ta a ni.
A tirah chuan AI chuan a thatna chiah hriat mai loh compound 6,680 a pe chhuak nghal a, Nature Chemical Biology a zirchianna tihchhuahah AI chuan he shortlist siam tur hian darkar khat vel hun a hamng tih a ni.
Researchers te chuan laboratory ah chng zinga 240 te chu an zirchiang leh a, an zing atangin pakua chu antibiotics tha ni thei tiin an thlang chhuak leh a, chung zinga pakhat chu antibiotic abaucin ni thei tura theihna sang tak nei tih an hmuchhuak a ni.
Laboratory experiments neihah chaichima enchhinna neiin A.baumannii chu a tihlum thei tih an hrefiah ta a ni. Mahse, Dr Stokes chuan, “Hna a intan tak tak chauh zawk,” tiin a sawi a.
An tihleh tur chu laboratory-ah drugs chu tha tawpa siam a nih theih nan clinical trial neih zui ngai a ti a. AI antibiotics te hi mihring tena a nawlpuia an hman theih nan chuan kum 2030 hnu lam a la ngai ang a ti bawk a. He antibiotics hi bacteria species dangah a thawk lova A.baumannii thah nan chauha tha a ti bawk.
Antibiotics tam tak hian bacteria te chu a nuai chimit nghal mai thin a. Researchers te chuan abaucin bik chauh thlurbing thei chuan drug-resistance awm thei titlemin side-effect tlem zawk a siam ang an ti bawk.
A thuphung ang chuna AI chuan potential compound sing tel enfiahna nei thei iin chu chu a mal te te chuan mihring te tana tih theih loh tluk a ni thung a ni.
“AI hian damdawi hmuhchhuahna lama sum sen a titlem dawn a, kan mamawh ngawih ngawih antibiotic thar min hmuhchhuah tir phah thei dawn a ni,” tiin Dr Stokes chuan a sawi.