Zoram Medical College (ZMC) chu All India Institute of Medical Science (AIIMS) a let tura hmalakna a awm lo tih Union Minister of Health & Family Welfare Dr Bharati Pravin Pawar chuan a sawi.
Parliament Budget Session neih meka Rajya Sabha member K Vanlalvena zawhna, ziaka a chhan danin Union Minister of H& FW chuan ZMC chu AIIMS-ah let tura hmalakna a awm rih lo tih a sawi.
Union Minister of Road Transport & Higways Nitin Jairam Gadkari pawhin Mizoram MP zawhna chhangin Mizoramah national highway puan thar pahnih – Assam rama Jorhat atanga intan Aizawl paltlanga Champhai district Zokhawthara tawp ta NH-6 leh chumi peng pakhat, Bairabi to Mamit; National Highway – 502(A) Lawngtlai to Paletwa kawngpui atanga peng Zorinpui- Hmawngbu- Lawngmasu te chu national highway atana puan thar a ni tih a sawi.
Bairabi to Mamit double lane laih a nih dawn leh dawn loh chungchangah Mizoram PWD-in hemi atan hian DPR an siam mek thu leh DPR zawh a nih hunah hna thawh tan a nih tur thu a sawi bawk.
AIIMS hnuaiah ZMC dah tum lo
Get real time updates directly on you device, subscribe now.
Prev Post
Next Post