Airport sawmhnih panga chuan green energy 100% an hmang tawh a, airport dang 121 te chu kum 2025 ah carbon neutral nihtir hman tum a ni, tiin Union Aviation Minister Jyotiraditya Scindia chuan a sawi.
“Aviation industry-in emission a pekchhuah hi nasa taka ngaihtuahin a awm a ni. Carbon footprints tihtlem leh emission pekchhuah hrim hrim tihtlem a nih theih nan nasa taka hmalak a ni” tiin Scindia chuan a sawi a, India leh European union chuan climate change beihna kawngah tum inang an nei a ti bawk a.
EU-India aviation summit ni hnih awh neih mek a ni a. Scindia chuan hetah hian thusawina neiin mahse Covid a kai avangin a hmuna kal thei lovin virtual-in thusawina a nei thung.
“Airport te chu kum 2024-ah green energy hmanga kum 2030-ah chuan net zero ni hman turin an ngen a. Kan airport sawm hnih pangate chuan green energy 100% an hmang tawh a. Kan tum ber chu kum 2025-ah airport 121 te carbon neutral nihtir hman tum a ni” tiin a sawi bawk.
EU-India summit hi Ningani khan tan niin region pahnih tena harsatna leh thawhdun theihna tur te sawihona neih tur a ni a. Chung zingah chuan Covid hnua air recovery chungchang te, unmanned aircraft system him leh tha zawk siam tumna te pawh a tel a.
Summit-ah hian top-level policy maker, industry executives leh EU leh India a stakeholder hrang hrang te an tel a ni.
“A tha thei ang bera kalpui nan regulatory environment kan siam a. European Union atanga industry player te pawh he hun remchang hi chuha khawvela aviation industry thang chak bera tih nei ve turin ka sawm a ni,” tiin a sawi bawk.
Airport tinte carbon neutral nihtir tum
Get real time updates directly on you device, subscribe now.
Prev Post
Next Post