Aizawl-ah K-pop concert ‘Blitzers Live in Aizawl’

K-pop group, JinHwa, JooHan, Sya, Chris, Lutan leh Wooju te tenna Blitzers chuan India-a a vawi khat nan solo concert Aizawl-ah an nei dawn a, an show neih tur hi ‘Blitzers Live In Aizawl’ tih a ni a, April ni 12 hian LPS Arena, Falkland-ah neih a nih tur a ni.
Blitzers hian Aizawl-a solo concert an neih tur hi an phur thu sawiin, video clip an tichhuak a, “April ni 12-a Aizawl, India-a kan perform tur thu phur takin kan puang e. Kan fan-te nena intawn hun tur kan nghakhlel tawh hle mai,” an ti. Tun hi Blitzers-in India-a solo concert an neih vawi khatna tur a ni.
Blitzers hian May ni 12, 2021 khan an debut album ‘Check-In’ an tlangzarh a, Blitzers tih an nih hmain he K-pop boy band hi Wuzo Circle tih an ni thin.