Benson Boone hla hit ‘Beautiful Things’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar 5 a No.1-na a ni ta. Hetihrual hian BTS member V hla thar ‘FRI(END)S’ pawh top 5-ah a debut e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video services) leh download sales te chu tehna pawimawh a ni.
Benson Boone ‘Beautiful Things’ hi kar khat chhungin khawvel huapin stream maktaduai 87.6 leh sales 18,000 a tling a, hei hi a kar nga nan chart-ah a No.1 pui leh ta a ni.
Ariana Grande ‘We Can’t Be Friends (Wait for Your Love)’ chu No.1 a\angin No.2-ah a tawlh a, Djo ‘End Beginning’ chu No.5 a\angin No.3 a kai a, Teddy Swims ‘Lose Control’ chu No.4-ah bawk a la awm.
BTS member V hla thar ‘FRI(END)S’-in kar khat chhungin stream maktaduai 56.1 leh sales 72,000 neiin chart No.5-ah a debut a, he chart top 10-a lang thei hla pahnih a neihna a ni a, BTS angin he chart-ah hian top 10 kai thei hla 11 an nei tawh a, chung zinga pasarih chu chart No.1 an kai nghe nghe.
-- Advertisement --
Billboard Global 200 Top10:
1 Beautiful Things – Benson Boone
2 We Can’t Be Friends (Wait For Your Love) – Ariana Grande
3 End Of Beginning – Djo
4 Lose Control – Teddy Swims
5 FRI(END)S – V
6 Carnival – ¥$: Ye & Ty Dolla $ign Featuring Rich The Kid & Playboi Carti
7 Texas Hold ‘Em – Beyonce
8 Bling-Bang-Bang-Born – Creepy Nuts
9 Cruel Summer – Taylor Swift
10 Greedy – Tate McRae