Aizawl District-in ASF tuar nasa

Mizoramah vawk natna African Swine Fever (ASF) hri a leng mek a, Aizawl district-in a tuar nasa ber. Aizawl district-ah pawh Aizawl khawpuiah he hri hi a nasa hle.AH&Vety department-in an chhinchhiah danin, May ni 23 thleng khan tun hrilengah hian vawk 961 a thi tawh a, chung zinga 546 chu Aizawl district-a mi a ni.
An chhinchhiah chinah Khawzawl district-a Dulte-in an tuar nasa ber a, vawk 62 a thi tawh.
Aizawl khawpui chhungah Kulikawn-ah vawk 64 a thi tawh a, Edenthar-ah 51, Ramhlun Sport Complex-ah 50, Falkland-ah 42 a thi tawh. Aizawl district-ah hian Aibawkah vawk 62 a thi tawh bawk. Serchhip district-ah Khumtungah vawk 51 a thi tawh bawk.
Aizawl, Champhai, Lunglei, Saitual, Khawzawl leh Serchhip district-ahte ASF hi hmuh a ni tawh.
Vawk 961 a thih tawh bakah vawk 1315 tihhlum/suat a ni tawh bawk. ASF natna hi tihdam theih loh natna a nih avangin a veite chu a hri a darh loh nan tihhlum thin a ni.

-- Advertisement --

District hrang hranga vawk thi zat
Aizawl District 546
Champhai District 42
Lunglei District 22
Saitual District 110
Khawzawl District 173
Serchhip District 68

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More