Aizawl FC leh Trajon India an thawk dun
Aizawl FC leh Trajon India an thawk dun
August 29, Thawhleh zan khan Mizoram a\anga I-League club awmchhun leh I-League club awm mek zinga hlun ber Aizawl FC leh Delhi lama hmunpui nei – Trajon India company te chuan Royale Lalhawi conference room ah inremna thuthlung an ziak. He hunah hian Aizawl FC aiawhin Club Director – Vanlalfelpuia Royte leh Freddy Lalnunsanga ten hming ziakin, Trajon India aiawhin company neitu Sushanta Deb leh Akash Das te chuan hming an ziak ve bawk. Thawhhona thuthlung hi seaon khat chhung atan a ni anga, inbiakrem dan a zira pawhsei zel tura tih a ni.
Inremna thuthlung an ziah zawh hian Aizawl FC Director Pu Vanlalfelpuia Royte chuan thusawiin, kum hei leh chen hnua Mizo football club hlun leh mizo thalaite hmangaihtuin an senso te chhawk zangkhai tur an hmu ta chu lawmawm a tih thu a sawia, Trajon India te nena an thawhhona chuan Mizoram football tana rah duhawm a chhuah ngei a beisei thu a sawi bawk.
Trajon India hi Aizawl FC Main sponsor an ni anga, club thuamchak kawngah theihtawp an chhuahpui dawn a ni.