Aizawl leh Lungleiah Hyundai Exter tlangzarh

July 10 khan India ramah Hyundai Exter tlangzarh a ni a, ngaihven a hlawh nghal hle a, Inrinni khan Aizawl leh Lungleiah a rualin CK Hyundai chuan Mizorama zawrh chhuah turin a chhawpchhuak ve leh nghal a ni.
Mizoram dealer showroom Bawngkawnah Aizawl Superintendent of Police Rex Zarzoliana’n a khuh hawng a, “Kan ?halaiten Korean ngaihsanna thlarau an chang nasa a. Vawiina hun kan hmanna chhan company ?ha (Hyundai) dintu (Chung Ju Yung) beihna nasa tak ngaihsanna chang hriat a tha hle. He company avang hian eizawnna nei eng zat nge awm tawh ang. Mi pakhat thil tih kal zel avangin Mizoramah pawh mi tam takin eizawnna an hmuh phah thei a, thawhrimna leh tumruhna a hlu a, an car avang hian miin awlsamna an neih phah tel bawk a ni,” a ti.
Micro SUV Exter hi Mizoramah mi 73-in an hauh lawk a, Hyundai company chanchin sawitu Lalrawngbawla chuan ‘changkang leh tha tak a nih laiin a man a tlawm a, mipuiin an ngaihven phah’ ni a a hriat thu a sawi. Exter hi Lungleiah chuan pechhuak nghalin Aizawlah erawh an la pechhuak rih lo va, shoowroom a man hi a model a zirin Rs 5,99,000 atanga Rs 10,09,990 man te an ni. SUV lian lo leh man tlawm tak a ni chungin Exter hian HD dash cam-dual camera, voice enable smart electric sunroof, wireless phone charger, footwell lightning, rear AC vent, air bag 6 a keng tel a, R15 tyre vuah a ni bawk. A man leh a feature leh spec en chuan Rs 6,00,000 vel manah chuan India-a kan car hmuh theihah chuan a tlawm ber pawla ngaih a ni.
Exter hi petrol leh bi-fuel CNG engine a awm a, petrol-ah hian AMT gearbox a awm tel a, 1.2-litre petrol emaw 1.2 litre bi-fual petrol leh CNG engine-ah duhthlan tur awmin, petrol engine hi 5-speed manual leh AMT gearbox-ah duhthlan tur a awm a, bi-fuel petrol leh CNG-ah hi chuan manual chauh a awm thung. A petrol engine hi 82 bhp leh 114 Nm torque pechhuak thei niin, bi-fuel hi 69 bhp leh 95 Nm torque pechhuak thei a ni ve thung.
Exter hian sunroof leh voice control neiin, a zawlpuiah hetiang nei hmasa ber hi a ni a, dash cam, ambient nature sound, wireless phone charger, paddle shifter te neiin, 8.0-inch touchscreen infotainment system leh built-in navigation neiin, tawng chi hrag 12 a support a, Alexa Home To Car integrattion a support bawk.
He microSUV hian tyre pressure monitoring system neiin, auto headlamps, digital instrument clusterm Bluelink connected car technology neiin, 60+ feature a nei a, cruise control leh auto climate control a support bawk. A chuangte himna atan airbag paruk, ABS leh EBD, 3-point seatbelt a chuang zawng zawng te tan neiin, seat belt reminder a awm vek bakah rear parking sensor a nei a, EX leh S model hian ESC, Vehicle stability management leh hill start assist a nei bawk.
Exter hian split headlamp set-up leh high-set LED daytime running lamps neiin, turn signal leh squared-out headlamp a bumper hnuailamah neiin, faux skid-plate a nei bawk. A hnunglamah LED taillamp leh bumper hrawl tha tak a nei bawk. Exter hi 3815mm a sei, 1710 mm a lian, 1631 mm a sang niin, a wheelbase chu 2450 mm a ni.