Aizawl Multipurpose Hall sakna tur tifel

New Delhi-a cham mek Sports & Youth Services minister Robert Romawia Royte hnenah Aizawl Multipurpose Hall sakna tur cheng nuai 450 sanction order chu Nilaini khan Ministry of Youth Affairs & Sports hotuten an hlan.
He Hall hi volleyball leh sports discipline dangte pawh khelh theihna tura ruahman niin, Durtlang North khawtlangin Mizoram State Sports Council kuta an ram an pekah sak tum a ni.
Minister chuan indoor hall indaihlohna avangin state level competition duh anga neih theih loh a ni fo a, an lo ruahman anga hall thar sanction a ni leh ta chu lawmawm a tih thu a sawi.
He Hall hi Khelo India Scheme atanga funding dawn a ni a, Mizoram sawrkarin sum sen ngai loin 100% central funding a ni a, tha taka sak zawh thuai tum a ni tih a sawi. Dan dinglai angin he project atang hian Mizoram sawrkarin GST leh labour cess cheng nuai 40 chuang a chang dawn tih a sawi a ni.