Aizawl Sustainable Urban Transport Project (ASUTP) hnuaia ruahmanna duanchhinte chu Ningani khan chief minister Zoramthanga hoin sawi a ni a. UD&PA changtu deputy chief minister Tawnluia leh Land Revenue minister Lalruatkima te pawh an tel.
-- Advertisement --
ADB funding hmanga khawpui cheibawl leh tihhmasawn hna thawka hmalak theihna hrang hrang sawi niin, chumi atanga project siam theihte chhawpchhuah a ni. Tam zawka public transport hman, khawchhung fai zawk leh mihring kalna pavement zauh, lirthei dahna leh parking fee khawn dan changkang zawk siam, khawpui chhunga junction pawimawhte tihhmasawn leh a dangte sawi a ni.
Thutkhawmah hian Land Revenue department, Mizoram State Planning Board vice chairman H. Rammawi, Aizawl mayor Lalrinenga Sailo leh Urban Development & Poverty Alleviation department-a ASUTP buaipuitu official-te an tel a ni.