Tui thianghlima Aizawl khawpui chawmtu tur siam thar ber chu electric hmanga tui pump-in hlawhtling taka enchhin a ni.
Ni khata tui litre maktaduai 37 pump theihna tur, tui thianghlim sawngbawlna Phase-III hi Tlawng tui, Setlak luiin a finna bul atangin Laipuitlang thlengin 2023 September khan diesel khawl (standby) hmangin hlawhtling taka pump chhoh a lo ni tawh a, a dintu SIPMIU leh PHE department chuan electric khawl hmangin kumin March 28 khan an enchhin leh a, hlawhtling taka neih a ni.
Tuna Aizawl khawpuiin a hman mek Greater Aizawl Water Supply Scheme Phase-I hi nitin tui litre nuai 108 pe thei tura ruahman a ni a. Phase II hi nitin litre nuai 240 pe thei tura ruahman a ni. Hetihlai hian Phase-III project hian nitin tui litre nuai 370 a pump thei dawn a ni.
He project hi UD&PA hnuaia SIPMIU-in thawkin, kum 2018 khan bul tan a ni a. Covid leng leh sum harsa karah thawkin vawiinah a hlawhtlinna an hmu ta a. Project hi zofel thei turin ngawrh taka hma lak zui zel a ni.
Aizawl tui lakna tur enchhin
Get real time updates directly on you device, subscribe now.
Prev Post