Bureau of Indian Standards (BIS) phut ang ni lo, lirthei ke hnih khalhtute himna atana tlak loh nia ngaih chin helmet khum leh khum loh chu March 1 atang khan Aizawlah Traffic Police ten an endik tan a, a ni khatnaah hian mi za chuang daih man tur an awm nia sawi a ni.
Senior SP Traffic Rodingliana Chawngthu chuan danin a phut chin helmet khum tur chungchangah hian 2022 December 14 khan mipui hnena hriattirna chhuah a ni tawh a, thla hnih a liam tawh avangin mipui tam zawk chu an inring tawh tura ngaih a ni, tiin, hriatthiam ngai ngawih ngawih bik erawh hrethiam chungin dan hi an kengkawh tan tih a sawi.
Foreign helmet pawh nise, BIS phut ang an phak chuan ISI chuang kher lo pawh pawm theih a ni, tiin, ‘satel helmet’ ang leh hetiang lam chi, lirthei ke hnih nei khalhtute lu himna atana tlak lo a nih loh chuan, hriatthiamna a awm thei tih Traffic Police hotute chuan sawiin, dan zawm lote hi a tumkhatnaah hian Rs.1000 chawitir an nih thu dawn a ni.
Aizawlah helmet endik tan
Get real time updates directly on you device, subscribe now.
Next Post