Aizawlah hospital thar din tum
Falkland Venga 3Gen Global Healthcare Multi-Speciality Hospital sakna tur lungphum chu Thawhlehni khan Assembly speaker Lalbiakzama’n a phum.
Mizoram chu hriselna bikah a la hnufum avanga ram hmasawnna pawh khingbai nia a hriat thu speaker hian a sawi a. Hemi phuhru tura 3Gen Global Healthcare a rawn che chu hmasawnna rahbi thar chhinchhiah tlak a ni, tiin, 3Gen Global Healthcare-in thil thar a rawn kentel tur, air lift ambulance service, eye transplant leh robotic surgeries chu Mizoramah a hmasa ber tur an nih bakah air ambulance facility phei chu India hmarchhakah pawh a hmasa ber tur a ni tih a sawi.
“3Gen Global Healthcare Multi-speciality Hospital lo ding tur hian damlo enkawlna bakah Mizoram sum leh pai lamah nasa taka thantirin thalai tam tak tan eizawnna a pe dawn a. Phai lam, inenkawlna atana mimal sum tam tak luangral thin pawh kan hum theih phah dawn a ni,” a ti.
3Gen Global Healthcare Multi-speciality Hospital building sakna tura sum ruahman hi cheng vaibelchhe 5 vel niin, a nih tur anga peih vek tur chuan cheng vbch.25 vel ngai tura chhut lawk a ni.
Aizawlah hospital thar din tum
Get real time updates directly on you device, subscribe now.