Akon ‘Right Now (Na Na Na)’ video 1B YouTube view kai
Kum 17 kalta khan Akon chuan a Freedon single ‘Right Now (Na Na Na)’ a tichhuak a, he hla music video hian tunkar tir khan YouTube-ah vawi tluklehdingawn en a hlawh ve ta a, Akon music video zinga YouTube-a hetiang zat en hlawh thei palina a ni.
Akon te lar vanglai khan tun angin mi nawlpuiin internet te kan la hmang tak tak thei lo a, smartphone te pawh tun angin kan la lek lam lo a, YouTube pawh chuti takin kan la hnimhnai lo. Chutiang chunga an video-in hetiang zat en a hlawh thei hi a pui thin khawp mai.
He Senegalese artist hian a music video ‘Play Hard,’ ‘Smack That’ leh ‘Lonely’ te chu YouTube billion views a lo kaipui tawh a, tunah a palina a nei leh ta a ni. ‘Right Now (Na Na Na)’ video-ah hian Akon hi secret agent anga inlanin, a di hlui nena an inkar chhem alh thar leh tum angin a inlan a ni.
‘Right Now (Na Na Na)’ hi Billboard Hot 100 (singles) chart-ah pawh No.8 kaiin, US Rhythmic-ah No.3 a kai pha bawk. A studio album pathumna ‘Freedom’-ah a telh a, album hi December 2008-a a tlangzarh kha niin, Billboard 200 (albums) chart-ah No.7 a kai pha.
Akon ‘Right Now (Na Na Na)’ video 1B YouTube view kai
Get real time updates directly on you device, subscribe now.
Prev Post