Kendrick Lamar ‘Not Like Us’ a la lar ber

Kendrick Lamar ‘Not Like Us’ a la lar ber
Kendrick Lamar hla hit ‘Not Like Us’ chu Billboard Global 200 chart-ah a No.1 a, he chart kar li a No.1-na a ni ta. He hla hian Super Bowl LIX halftime show-a Lamar perform zar zoin, kar kalta chart-ah khan No.15 atangin No.1-ah a invawrh thar leh a, a zawnin kar hnih a No.1 ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang rang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘Not Like Us’ hian kar khat chhungin stream maktaduai 111.7 leh sales 21,000 a la nei leh thei a, hei hi chart-ah a No.1 pui leh ta a ni. Lamar-a’n Drake a kahna hla hian Grammy Awards-ah pawh khan record leh song of the year a dawng tawh bawk.
Lamar hla dang SZA a thawhpuina ‘Luther’ pawh No.4 atangin No.3-ah a insawn a, 2018-a Lamar hla tihchhuah tawh ‘All Stars’ featuring SZA chu No.10 atangin No.6-ah a insawn a, Lamar hla dang ‘TV Off’ featuring Lefty Gunpkay chu No.8 atangin No.7 a kai thar ve leh ta bawk. Heng hla te hi Super Bowl halftime show-a a perform vek an ni.
He chart-a kar 9 No.1 ni thei, Lady Gaga leh Bruno Mars ‘Die With a Smile’ chu No.2-ah bawka la awm a, chart No.1 hlui, kar 12 No.1 thei ROSE leh Bruno Mars ‘APT.’ chu No.3 atangin No.4-ah a tawlh a, chart No.1 hlui bawk Billie Eilish ‘Birds of a Feather’ chu No.6 atangin No.5 a kai thar ve leh ta bawk.
Billboard Global 200Top 10:
1 Not Like Us – Kendrick Lamar
2 Die With A Smile – Lady Gaga & Bruno Mars
3 Luther – Kendrick Lamar & SZA
4 APT. – ROSE & Bruno Mars
5 Birds Of A Feather – Billie Eilish
6 All The Stars – Kendrick Lamar & SZA
7 TV Off – Kendrick Lamar Featuring Lefty Gunplay
8 DTMF – Bad Bunny
9 Abracadabra – Lady Gaga
10 Messy – Lola Young