Alaska-a mi 10 chuanna thlawhna bo zawng mek

Alaska-a mi 10 chuanna thlawhna bo zawng mek
US thuneitute chuan thlawhna tê chi, mi 10 phur chu Alaska-ah a bo nia sawi a awm avangin an zawng mek.
Alaska-a US Coast Guard chuan Cessna Caravan thlawhna hi Unalakleet atanga Nome pan niin khawmual atanga km 19-a hla vela a awm laiin ‘a awmnna chin hriat loh zui a ni’ tih an sawi.
Khawpui pahnih hi mel 146-a inhlan niin Norton Sound kaltlang ngai a ni a, Alaska khawthlang lam vaukama Bering Sea-a inkhawh lut a ni.
Mi zawng leh chhanchhuaktute chuan ‘chin hriat lohna hmun atang hian chhui zui mek a ni’ tih an sawi a, state thuneitute pawhin zawn a nih thu an sawi bawk.
Thlawhna hi Bering Air ta niin hun bi nei lem lova thlawk kual tura hman theih chi a ni a, an ram huna Ningani tlai dar 4:00 (India-a Zirtawpni zing dar 06:30)-a thlawk chhuak a ni.
A chuangte hi passenger pakua leh a khalhtu an ni tih Alaska Department of Public Safety chuan a sawi a. Eng ang mi nge an nih leh engtia thlawk nge an nih pawh hriat a la ni rih lo.
An tumna tur, Nome-a fire department chuan a khalhtu hian air traffic controller-te a biak hnuhnung berah chuan ‘tum turin an inpeih tawh a, tlankawng tihfai (clear) chhung an nghak mek’ tih a hrilh niin an sawi.